Dünyanın ən böyük sirri - NASA direktoru paralel kainatdan danışıb
Tarix: 25-10-2021 13:50 | Bölmə: Slayd
Dünyanın ən böyük sirri - NASA direktoru paralel kainatdan danışıb

Son dövrlər lentə alınan görüntülər və hazırlanan hesabatlarla gündəmdən düşməyən uçan naməlum obyektlərlə (UNO) bağlı müzakirələrə ABŞ Milli Aeronavtika və Kosmos İdarəsinin (NASA) prezidenti Bill Nelsonun qatılması mövzunu yenidən aktuallaşdırıb.

Reyting.az
xəbər verir ki, hazırda qlobal sosial şəbəkələrdə Nelsonun UNO-larla bağlı fikirləri əsas trenddir.

Hərbi radarlar tərəfindən qeydə alınan və tanınmayan, uçan cisimlər kimi təqdim edilən UNO-lardan danışan B. Nelson bu cisimləri görən təyyarə pilotları ilə görüşdüyünü bildirib.

NASA direktoru deyib: “Pilotlar havada nələrsə gördüklərini deyirlər. Əslində radarlar da bu nəsnəsəyə kilitlənir. Amma bunun nə olduğunu bilmirik. Dünyada bu cür texnologiyaya sahib bir düşmənin olmadığını təsəvvür edirik”.

Yerdənkənar həyat axtarışının NASA-nın ən vacib missiyalarından biri olduğunu vurğulayan Nelson, paralel kainat nəzəriyyələrinə də toxunub.

NASA direktoru qeyd edib ki, onun özü Yerdən başqa bir həyatın olduğuna dair iddialara inanmır: “Mənim şəxsi fikrim budur ki, kainat çox böyükdür və indi hətta başqa kainatların da ola biləcəyinə dair nəzəriyyələr var. Əgər belədirsə, mən kiməm ki, Yer planetinin yeganə yaşayış məskəni olduğunu iddia edim”.

Nelsonun son cümləsi bu sahə üzrə işləyənlərin xüsusi diqqətini cəlb edib və onlar bu fikrin təsadüfən işlədilmədiyinə əmindirlər.

Məlumat üçün qeyd edək ki, bir neçə ay əvvəl qatıldığı bir teleproqramında ABŞ-ın sabiq prezidenti Barak Obama da UNO-lardan danışmışdı. O, prezident olduğu zaman bununla maraqlandığını xüsusilə qeyd etmişdi. Obama hökumətin açıqlamayacağı UNO-larla bağlı gözləntilərinin olduğunu doğrulayıb, amma bunun tam olaraq nə olduğunu bilmədiklərini qeyd edib.

Obamaya 51-ci sahə və yadplanetlilərin orada gizlənməsi ilə bağlı suallar verildikdə, keçmiş prezident yadplanetlilərin və kosmik gəmilərin gizli anbarının olması barədə uzun müddətdir gedən şayiələri zarafatla rədd edib: “İşin doğrusu budur ki, göydəki cisimlərin şəkilləri və qeydləri var və bunların nə olduğunu dəqiq bilmirik”.

Son illər Pentaqon və NASA-dan ayrılan bəzi mütəxəssislər isə UNO-ların əfsanə olmadığını, dəfələrlə ABŞ pilotları tərəfindən qeydə alındığını və hətta bunun videoları olduğunu deyiblər.




Bölməyə aid digər xəbərlər
bütün xəbərlər
{sape_links}{sape_article}