18:55 / 19-05-2022
Xalq artisti vəfat edib - Foto
Rusiyalı oliqarxların müəmmalı ölümü... - Bəzilərinin qətlində kəşfiyyatın adı hallanır
Tarix: 13-05-2022 17:11 | Bölmə: Slayd
Rusiyalı oliqarxların müəmmalı ölümü... - Bəzilərinin qətlində kəşfiyyatın adı hallanır

Kremlə yaxınlığı ilə tanınan və bir-biri ilə əlaqəli enerji şirkətlərinə rəhbərlik etmiş rusiyalı oliqarxların ölümü şübhə doğurur. Bu səbəbdən də, Rusiyanın Ukraynaya hücumundan sonra həyatlarını itirən oliqarxların ölümlərinin müharibə ilə əlaqəsi müzakirə edilir. Həyatlarını itirən oliqarxların Rusiyanın neft və təbii qaz sektoru ilə bağlı olmaları isə daha çox diqqət çəkir.

Reyting.az
xəbər verir ki, intihar edən və ya öldürülən rusiyalı oliqarxlardan bəzilərinin Kremlə yaxın şəxs olması və çoxunun əlaqəli enerji şirkətlərinə rəhbərlik etməsi onların ölümünə şübhələri artırır.

Avropa Psixoterapevtlər Assosiasiyasının üzvü, rusiyalı həkim Yekaterina Trofimova bir çox rusiyalı oliqarxların Rusiyanın enerji şirkətlərində işləməsinə diqqət çəkib. Ukraynaya hücumdan sonra Rusiyanın enerji şirkətlərinə və iş dünyasına daha çox təzyiqin olduğunu xatırladan Trofimova deyib ki, insanın yaşadığı ən sıx stresslərdən biri heç bir şeyə təsir edə bilməyəcəyimiz bir vəziyyətlə qarşılaşdığımız zaman yaşadığımız stressdir. “Çarəsizlik hissi var. Sonra insanlar enerjilərini və fəaliyyətlərini bilavasitə əllərində olana yönəldirlər. Onlar isə dəyişdirilməsi lazım olmayan şeyləri dəyişdirməyə çalışırlar”, - deyə Trofimova əlavə edib.



Xatırladaq ki, Ukraynaya hücumdan bir qədər əvvəl ilk ölüm xəbəri Rusiyanın “Qazprom” şirkətinin baş meneceri Leonid Şulmanla bağlı olub. 60 yaşlı Şulmanın Leninski rayonundakı 500 min dollarlıq 3 mərtəbəli bağ evinin otağında intihar etdiyi bildirilib. Şulmanın evində tapılan qeyddə ayağındakı ağrılar səbəbindən yaşadığı çətinliklərə diqqət çəkilib.

Şulmanın həyat yoldaşından 1 il əvvəl ayrıldığı, övladı və ailəsi ilə ayrı həyat sürdüyü qeydə alınıb.

Fevralın 24-də - Rusiyanın Ukraynaya hücumundan bir gün sonra “Qazprom”un əməkdaşı, 61 yaşlı Aleksandr Tyulyakovun ölüm xəbəri yayılıb. 1999-cu ildən “Qazprom”un direktoru olan Tyulyakov özünü yaşadığı evin qarajında asıb. Tyulyakovun intihardan əvvəl məktub yazdığı bildirilsə də, məzmunu açıqlanmayıb.

Rusiyanın Ukraynaya hücumundan bir ay sonra Nijni Novqorod şəhərində fəaliyyət göstərən “MedStom” tibbi avadanlığı şirkətinin 43 yaşlı sahibi Valisiy Melnikov 41 yaşlı qadınını öldürərək intihar edib. Beləcə, oliqarx, həyat yoldaşı, 10 və 4 yaşlı uşaqları ilə birgə həyatla vidalaşıb.

Məlumata görə, Rusiyanın ən böyük şirkətlərindən olan, ötən il 208 milyon dollardan çox xalis mənfəət əldə edən “MedStom”un sahibi V. Melnikov sakit həyat sürüb, spirtli içkilərdən istifadə etməyib, siqaret və narkotik maddələrdən uzaq olub.

V. Melnikov Nijni Novqorod şəhərində rusiyalı zənginlər üçün tikilmiş küçədə yerləşən evində həyat yoldaşını və uşaqlarını tapança və bıçaqla öldürdükdən sonra özünü güllələyib. Lakin Rusiya və dünya mətbuatı iddia edir ki, bu hadisədə Rusiya kəşfiyyatının əli var.

2000-ci illərin əvvəllərindən İngiltərədə yaşayan Ukrayna əsilli rusiyalı oliqarx Mixail Uotford Surrey şəhərindəki evində özünü asıb. Həmin vaxt Britaniya polisi neft emalı və təbii qaz şirkətinin sahibi Uotfordun intiharını “şübhəli ölüm” kimi qiymətləndirib. Lakin böyük sərvətə sahib olan Uotfordun dəqiq ölüm səbəbi ilə bağlı məlumat verilmir. Rusiya prezidenti Vladimir Putinin hakimiyyəti illərində sərvətini daha da artıran Uotfordun ölümü barədə çoxlu fərziyyələr səslənir.

M. Uotfordun ölümündən az sonra enerji sənayesi ilə əlaqəli digər rusiyalı oliqarxın ölüm xəbəri yayıldı. Rusiyanın “Qazprom” şirkətinin keçmiş icraçı direktoru, Rusiya prezidenti Vladimir Putinə yaxınlığı ilə tanınan Vladislav Avayev aprelin 19-da Moskvadakı evində 47 yaşlı həyat yoldaşı Yelena Avayevanı, daha sonra isə 13 yaşlı qızı Mariyanı tapança ilə güllələdikdən sonra intihar edib. “Qazprom”dan ayrıldıqdan sonra “RT-Carbon” adlı şirkət açan Avayevin intiharı və qətlləri ilə bağlı Rusiya polisi heç bir açıqlama verməsə də, onun həyat yoldaşı tərəfindən sürücüsü ilə aldadıldığı iddia olunur. Başqa bir iddiaya görə, Rusiyanın Ukraynadakı əməliyyatlarını tənqid edən Avayev və ailəsi Rusiya kəşfiyyatı tərəfindən öldürülüb.



Rusiyalı oliqarxların ölüm xəbərinin daha bir ünvanı İspaniya olub. 55 yaşlı rusiyalı iş adamı Sergey Protosenya və ailəsi aprelin sonlarına yaxın İspaniyanın Kataloniya bölgəsindəki Girona əyalətinin Lloret De Mar qəsəbəsindəki lüks villasında ölü tapılıb. 1997-2015-ci illərdə Rusiyanın “Novatek” enerji şirkətinin rəhbəri vəzifəsində çalışmış S. Protosenya daha sonra təqaüdə çıxıb və ailəsi ilə birlikdə Fransanın cənubunda aldığı malikanədə yaşayıb. Pasxa bayramı üçün İspaniyada tətil edən ailəsinə çata bilməyən S. Protosenyanın 22 yaşlı oğlu Fedor İspaniya polisinin xəbərdarlığı ilə Protosenya ailəsinin qaldığı villada dəhşətə gəlib. İddiaya görə, S. Protosenya arvadını və qızını balta ilə öldürüb, sonra isə özünü eyvanda asaraq intihar edib. İspaniya polisi bu şübhəli hadisə ilə bağlı məxfilik qərarı verərkən, 400 milyonluq sərvəti olduğu bildirilən S. Protosenya və ailəsinin ölümü həm Rusiyada, həm də İspaniyada Rusiya kəşfiyyatı ilə bağlı fərziyyələrə səbəb olub. S. Protosenyanın oğlu Rusiya kəşfiyyatını hədəfə alıb.

Rusiyanın paytaxtı Moskvada Rusiyanın ən məşhur restoran şəbəkələrindən biri olan “Karavaev Brothers”-ın 45 yaşlı qurucusu Vladimir Lyakişevin çoxmərtəbəli binanın damında meyiti tapılıb. Lyakişevin həyat yoldaşı əri ilə spirtli içki qəbul etdikdən qısa müddət sonra evi tərk etdiyini, ərinin isə 2 saatdan sonra güllələnmiş vəziyyətdə tapıldığını açıqlayıb. Lyakişevin həyat yoldaşı ifadəsində bildirib ki, əri əvvəllər dəfələrlə etdiyi kimi, telefon kitabçasındakı dostuna video zəng edərək, onu vuracağını iddia edərək dama çıxıb.

Rusiyanın ikinci ən böyük neft şirkəti “Lukoyl”un keçmiş meneceri Aleksandr Subbotinin mayın 10-da “ürək tutmasından” vəfat etdiyi açıqlanıb. Rusiya İstintaq Komitəsinin ilkin məlumatlarına görə, 43 yaşlı rusiyalı milyarder Subbotin alkoqol detoksuna görə şamanlardan dəstək alıb. Bu təcrübə zamanı rus oliqarx Subbotin qurbağa zəhəri ilə müalicə olunub. Ancaq bir müddət sonra infarkt keçirən Subbotinə şamanların valerian bitkisindən hazırlanmış ağrıkəsici qarışığı verdiyi, lakin Subbotini səhər saatlarında Aleksey Pindyurin və Kristina Teyxrib adlı 2 şaman tərəfindən ölü tapıldığı açıqlanıb. İlk təsbitlərə görə, A. Subbotinin ölümünün dəqiq səbəbi ürək dayanması kimi qeydə alınıb. Bu xəbər Rusiya ictimaiyyəti tərəfindən real sayılmasa da, Rusiya mediası iddia edir ki, şamanlar rusiyalı oliqarxı peşəkarcasına öldürüblər. Şamanlar isə rusiyalı oliqarxdan pul almadıqlarını, onunla dost olduqlarını bildiriblər.






Bölməyə aid digər xəbərlər
{sape_links}{sape_article}