18:55 / 19-05-2022
Xalq artisti vəfat edib - Foto
Milyarderin daha bir mülkünə həbs qoyulub
Tarix: 14-05-2022 14:48 | Bölmə: Slayd
Milyarderin daha bir mülkünə həbs qoyulub
Roman Abramoviç

Portuqaliyanın Alqarve bölgəsində rus oliqarx Roman Abramoviçin 10 milyon avro dəyərində olan evi üzərində həbs qoyulub.

Reyting.az
“Público”ya istinadla xəbər verir ki, Rusiyanın Ukraynaya təcavüzünün başlamasına 15 gün qalmış Abramoviçin investisiya holdinqinə məxsus “Millhouse Views” MMC əmlakı satmağa cəhd edib, lakin Portuqaliyanın “Caixa Geral de Depósitos” dövlət bank korporasiyası bu barədə polisə məlumat verib.

Portuqaliya Xarici İşlər Nazirliyinin tələbi ilə martın 25-dən əmlakın qeydiyyatı dondurulub.

Xatırladaq ki, müharibə başlayandan sonra Abramoviç Avropa Birliyi və Böyük Britaniya tərəfindən sərt sanksiyalara məruz qalıb. Onun aktivləri, o cümlədən Londonun “Çelsi” futbol klubu dondurulub. Bundan sonra Abramoviç klubu amerikalı iş adamları Todd Boeli və Mark Valter, isveçrəli milyarder Hansyorq Viss və “Clearlake Capital” investisiya şirkətindən ibarət konsorsiuma satmaq üçün müqavilə imzalayıb.

Aprelin ortalarında Britaniyanın Cersi adasının məhkəməsi Abramoviçlə bağlı 7,3 milyard dollarlıq aktivləri dondurub. Bu, oliqarxın 13,9 milyard dollar dəyərində qiymətləndirilən sərvətinin yarısından çoxdur. Bundan başqa, Fransa hakimiyyəti onun sərvətini müsadirə edib. Rivieradakı malikanə 120 milyon dollaradır, bu, Abramoviçdən müsadirə edilən 12 fransız iqamətgahından biridir.

Eyni zamanda milyarder həbslə hədələnən iki dəbdəbəli yaxtasını Aİ hüdudlarından kənara çıxara bilib.







Bölməyə aid digər xəbərlər
{sape_links}{sape_article}