12:10 / 25-06-2022
Sabah yağışlı hava olacaq
Türkiyənin dostları və düşmənləri yeni gərginliyə hazırlaşmalıdır
Tarix: 18-06-2022 17:28 | Bölmə: Slayd
Türkiyənin dostları və düşmənləri yeni gərginliyə hazırlaşmalıdır

“Bloomberg” media qurumu son dövrdə Türkiyə ilə Qərb ölkələri arasında yaranmış gərginliyə diqqət çəkərək, ABŞ-a tövsiyə edib ki, Ərdoğandan daha çox reaksiyaya hazırlaşmalıdır.

Reyting.az
-ın məlumatına görə, “ABŞ Ərdoğandan daha çox reaksiyaya hazırlaşmalıdır”, - başlıqlı təhlildə Türkiyə prezidenti Ərdoğanın gələn ilin iyununda keçirilməsi planlaşdırılan seçkilərin mitinq dövrünə başladığı, üçüncü onillikdə də hakimiyyətini qoruyub saxlamaq istədiyi xatırladılır.

Təhlildə yazılır ki, Türkiyə vətəndaşları ilə birlikdə bu ölkənin müttəfiqləri və düşmənləri 12 aylıq aktiv bir müddətə hazırlaşmalıdır. Yəni ABŞ və Avropa Ərdoğanın qarşıdurmasına da hazır olmalıdır:

“Ölkəsinin siyasi cəhətdən kövrək olduğu bir vaxtda Ərdoğan Qərblə daha çox gərginlik yaşayır. İqtisadiyyat pandemiya və prezidentin iqtisadi siyasəti səbəbindən pisləşərkən Ərdoğanın və partiyasının səsləri ilkin anketlərdə aşağı düşüb. Ərdoğanın seçkiyə qədər iqtisadiyyatı düzəltməsi az ehtimal olunur və yenidən prezident seçilmək üçün köhnə üsullara əl ataraq millətçilikdən istifadə edəcəyi gözləniləndir. Bu isə xarici gücləri gündəmə gətirir”.

Məqalədə Ərdoğanın ən çox sevdiyi bəhanələrdən bəzilərinin indi gündəmdən düşdüyü, iqtisadi çətinliklərə görə onun ərəb ölkələri ilə yaxşı yola getdiyinə işarə olunur. Qeyd edilir ki, indi Ərdoğan Səudiyyə Ərəbistanı və Birləşmiş Ərəb Əmirlikləri ilə üz-üzə gəlməyəcək. Üstəlik, Ərdoğan prezident İsaak Hersoqla dostluq etdiyi üçün İsrailə qarşı yumşaq davranmağa başlayıb. Burada yalnız bir düşmən qalır: Qərb!

Təhlildə, Ərdoğanın ABŞ və Avropa əleyhinə açıqlamalarına da diqqət çəkilir. Qeyd olunur ki, yaxın aylarda Ərdoğan Qərbi ikiüzlülükdə ittiham edə, qlobal iqtisadiyyat və pul baronlarının kampaniyasını gündəmə gətirə bilər.

“ABŞ prezidenti Bayden və Avropa liderləri Ərdoğanın necə hərəkət edəcəyini və ona uyğun davranmağı bilməlidirlər. Ərdoğana təhdidlər faydasızdır. Onların edə biləcəyi şey müvəqqəti həll yolunu tapmaqdır. İsveç və Finlandiya üçün ayrıca təhlükəsizlik strukturu yaradan NATO üzvləri onlardan biri ola bilər. Onlar gələn yaya qədər bunu edə bilərlər, sonra isə ya Türkiyənin yeni prezidentini, ya da Qərbi daha əliaçıq görməyən qalib Ərdoğanla görüşəcəklər”.





Bölməyə aid digər xəbərlər
{sape_links}{sape_article}