23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Rusiyadan qaçanların sayı artır: sərhəd-keçid məntəqələrində uzun növbələr yaranıb - Yenilənib
Tarix: 23-09-2022 17:33 | Bölmə: Slayd
Rusiyadan qaçanların sayı artır: sərhəd-keçid məntəqələrində uzun növbələr yaranıb

Rusiyada elan edilən səfərbərlikdən sonra hərbi xidmətə getmək istəməyən vətəndaşların hava limanlarına axını daha da artıb. Ölkəni 70 minə yaxın vətəndaşın tərk etdiyi iddia olunur.

Reyting.az
xəbər verir ki, Rusiya rəsmiləri hava limanlarındakı kişilərin hərbi statusu və geridönüş məlumatlarını şübhə altına almağa başlayıblar.

Hərbi xidmətə çağırılma qorxusu ilə Rusiyanı tərk edənlər Türkiyə, Ermənistan, Finlandiya və digər qonşu ölkələrə üz tuturlar. Hətta bəzi qonşu ölkələrin sərhəd qapılarında uzun növbələrin yarandığı da bildirilir.

Minlərlə Rusiya vətəndaşının avtomobil yolu ilə Gürcüstana axın etdiyi də verilən məlumatlar sırasındadır. Bu səbəbdən Rusiya-Gürcüstan sərhədindəki “Yuxarı Lars” Sərhəd Qapısında 6 kilometrlik avtomobil növbəsi yaranıb.



Sərhəd nəzarəti gücləndirilib, bəzi Rusiya vətəndaşları isə uzun növbələr və tıxac səbəbindən avtomobillərdə gecələməli olurlar. Bəzi rusların gecə saatlarında skuter və velosipedlə sərhədi keçdiyi bildirilsə də, qısa müddət sonra qarşı tərəf bunu qadağan edib.

Gürcüstanın müxalifət partiyaları və qeyri-hökumət təşkilatları Rusiyanın Ukraynaya hücumundan sonra iyulda 156 min, avqustda isə 260 min nəfərin bu ölkəyə gəlməsinə reaksiya verərək, hökumətə çağırış ediblər: “Ruslara viza tətbiq et!”.

Rusların qaçmağa üstünlük verdiyi ölkələrdən biri də Avropa İttifaqı ölkəsi Finlandiyadır. Rusiya vətəndaşlarının turist vizası ilə ölkəyə girişinə icazə verən son Avropa Birliyi ölkəsi olan Finlandiya sərhədçiləri, Putinin səfərbərlik qərarını elan etməsindən sonra bir gecədə “fövqəladə sayda” Rusiya vətəndaşının sərhədlərinə axın etdiyini açıqlayb.

İngiltərənin “The Guardian” qəzetinin iddiasına görə, ölkəni tərk edən rusların sayı 70 minə çatıb. Bu vətəndaşların əksəriyyəti birtərəfli bilet aldıqları üçün onların yaxın vaxtlarda geri qayıtması gözlənilmir.



Rusiya prezidenti Putin qismən səfərbərlik elan etdikdən sonra ölkəni tərk edənlərin ən çox seçdiyi şəhərlərdən biri də Antalyadır. Bilet qiymətlərinin yüksək tələbat səbəbindən əhəmiyyətli dərəcədə artdığını qeyd edən turoperator şirkətinin rəsmiləri, Türk Hava Yolları reyslərində Antalyaya birtərəfli biletin qiymətinin 70 min TL-yə çatdığını, bir çox uçuş şirkətlərində isə 40-50 min arasında olduğunu bildirib. Amma ruslar qiymətin 50 min olmasına baxmayaraq, bilet tapmağın mümkünsüz olduğunu deyirlər.

Qeyd olunur ki, bir çox vətəndaşın ölkəni tərk etməsindən təşvişə düşən Rusiya hakimiyyəti ölkəni tərk etmək istəyən kişi sərnişinləri hərbi statusları ilə bağlı sorğu-sual edir və onların geridönüş biletlərini yoxlamağa dair təlimat veriblər.

***

Qazaxıstan Xarici İşlər Nazirliyi ölkə vətəndaşlarının Rusiyadan gələnlərin sayının artmasından narahat olduğunu açıqlayıb.

Reyting.az
-ın xəbərinə görə, Qazaxıstan XİN-nin bəyanatında deyilir ki, əcnəbi vətəndaşların ölkəyə giriş və qalma müddətinin müəyyən edilməsi proseduru mövcuddur: “Hazırda bütün aidiyyəti dövlət qurumları bu vəziyyətə daimi nəzarət edir”.

Qazaxıstan ərazisində qalan hər bir əcnəbi vətəndaşın ölkənin immiqrasiya qanunvericiliyinə əməl etməli olduğu bildirilən bəyanatda əlavə olunur ki, dövlətin hər şeydən əvvəl olan milli maraqlarını qorumaq üçün kifayət qədər mexanizmləri var:

“Bildirmək istərdik ki, bu ölkənin immiqrasiya qanunvericiliyinə uyğun hərəkət edəcəyik. Ətraf ərazidə istənilən çətin geosiyasi vəziyyətdə milli təhlükəsizliyin prioritetidir”.

Bəyanatda bildirilir ki, xidmət obyektləri öz imkanları daxilində fəaliyyət göstərir ki, ölkənin infrastrukturu mövcud miqrasiya vəziyyətindən çətinlik çəkmədən çıxa bilsin.

Sözügedən vəziyyətin yaxından izlənildiyi vurğulandığı bəyanatda qeyd olunur ki, ciddi risklər olarsa, beynəlxalq hüquq və milli qanunvericilik nəzərə alınaraq müvafiq tədbirlər görüləcək.

Milli Təhlükəsizlik Komitəsinin verdiyi açıqlamada isə ölkənin Rusiya ilə sərhəd qapılarından Qazaxıstana keçmək istəyənlərin sayının artdığı bildirilir.

Qeyd olunur ki, hazırda 30 sərhəd-keçid məntəqəsi normal rejimdə işləyir, onlardan 4-də sərnişin və nəqliyyat axınının artması səbəbindən sıxlıq yaranır.

Onu da qeyd edək ki, son 24 saat ərzində Qazaxıstanın Rusiya ilə sərhəd şəhərlərindən Kostanay vilayətinə 1000-dən çox Rusiya vətəndaşı gəlib.




Bölməyə aid digər xəbərlər
{sape_links}{sape_article}