15:17 / 28-05-2024
KTN-də yeni təyinat olub
Sərdar Cəlaloğlu: “Səfirliyimizə hücum İranın Azərbaycana qarşı siyasətinin nəticəsidir”
Tarix: 27-01-2023 15:04 | Bölmə: Slayd
Sərdar Cəlaloğlu: “Səfirliyimizə hücum İranın Azərbaycana qarşı siyasətinin nəticəsidir”

“İran bundan əvvəl Azərbaycan xalqını, Azərbaycan dövlətini və hökumətini təhdid edən bəyanatlarla çıxış edib. Gah deyiblər “Bakını raketlə vurarıq”, gah da “sərhədi keçərik”, - söyləyiblər. İranın deputatları, hərbçiləri və digər rəsmiləri dəfələrlə televiziya kanallarında “intiqam alarıq”,- kimi fikirlər işlədib, bu tipli məqalələr yazılıb və s. Səfirliyimizə hücum da İran dövlətinin Azərbaycana qarşı siyasətinin tərkib hissəsidir. Bu təxribatın arxasında İran-Azərbaycan münasibətlərinin daha da kəskinləşdirilməsi məqsədi durur. Mən bu aktı qətiyyətlə pisləyirəm”.

Bunu Reyting.az-a Azərbaycan Demokrat Partiyasının (ADP) sədri Sərdar Cəlaloğlu deyib.

Partiya sədri xatırladıb ki, diplomatik korpusların təhlükəsiz fəaliyyəti ilə bağlı Cenevrə Konvensiyası mövcuddur və bu qanuna görə, istənilən bir ölkə öz ərazisindəki səfirliklərin təhlükəsizliyini təmin etməlidir: “Yəni Azərbaycanın Tehrandakı səfirliyinə terror hücumu İranın üzərinə hüquqi məsuliyyət qoyur. Amma İran Cenevrə Konvensiyasını pozub. Bu, Azərbaycana imkan verir ki, İran hökumətini beynəlxalq məhkəməyə versin”.

S. Cəlaloğlu bildirib ki, İran tərəfi səfirliyə terror hücumu edən şəxsin həbs olunduğunu açıqlasa da, bu, boş şeydir: “Hətta bu adam İran dövləti tərəfindən istiqamətləndirilməsəydi belə, İran son vaxtlar elə siyasət aparıb ki, bu, insanları terror aktı törətməyə həvəsləndirib”.

ADP sədri diqqətə çatdırıb ki, İranın qeyri-rəsmi televiziyalarında, mətbuatında Azərbaycan və Türkiyə dəfələrlə hədələnib. Elə buna görə də S. Cəlaloğlu hesab edir ki, Azərbaycan İranla bağlı siyasətinə ciddi şəkildə yenidən baxmalı, konkret addımlar atmalıdır. “Əlbəttə, biz İran kimi anti-qanuni və anti-bəşəri addımlar atmamalıyıq, lakin bu hadisənin ciddi hüquqi və siyasi cavabını vermək lazımdır”, - deyə ADP sədri əlavə edib.

V. QULİYEV
Reyting.az




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}