07:44 / 21-06-2024
KTMT Almatıda toplanır
Vanqanın qorxulu proqnozları reallaşır?
Tarix: 07-06-2023 16:08 | Bölmə: Xəbərlər
Vanqanın qorxulu proqnozları reallaşır?

Öncəgörmələri ilə məşhur olan Vanqanın proqnozları yenidən dünya mətbuatında müzakirə olunur. Buna səbəb onun 2023-cü il üzrə öncəgörmələridir.

Reyting.az
-ın məlumatına görə, ABŞ-dakı 11 sentyabr hücumu, Obamanın ABŞ prezidenti seçiləcəyi, hətta koronavirus epidemiyası ilə bağlı öncəgörmələri reallığa çevrilən Vanqanın proqnozlarına marağın artdığı bir vaxtda, indi də Rusiya-Ukrayna müharibəsi onu dünya mətbuatının gündəminə gətirib.

Xatırladaq ki, ötən gün ruslar Ukraynada ən böyük su elektrik stansiyalarından (SES) birinin bəndini partladıb. Rusiya və Ukrayna Kaxovskaya SES-dəki partlayışa görə bir-birini ittiham etsə də, bəndin partlaması nəticəsində bir çox yaşayış məntəqələri su altında qalıb. Eyni zamanda Zaporojye atom elektrik stansiyasına (AES) da təhlükə yaranıb. Bütün bunlar isə Baba Vanqanın nüvə fəlakəti ilə bağlı proqnozlarını bir daha gündəmə gətirib.

Məlumata görə, Vanqa böyük bir atom elektrik stansiyasının partlayacağı ilə bağlı xəbərdarlıq edib. Onun davamçıları isə iddia edirlər ki, bu partlayış nəticəsində ciddi xəstəliklər yayıla, havanı zəhərli buludlar örtə və bu, digər ölkələrə də təsir göstərə bilər.

Balkanların Nostradamusu kimi tanınan Baba Vanqanın 2023-cü il üçün 5 proqnozu bu gün dünya mətbuatında və sosial mediada ən çox danışılan mövzulardan biridir.

84 yaşında vəfat etmiş Baba Vanqanın öncəgörmələrinə dair yazılı mətn qalmasa da, bəzi insanlar onun uzunmüddətli proqnozlarına əməl etməyə çalışırlar.

“Balkanlı Nostradamus”un proqnozları arasında ən diqqətçəkəni təbii doğuşların sonuna aiddir. Onun proqnozuna görə, hökumətlər təbii insan doğuşlarının qarşısını alacaq və laboratoriyada insan həyatının istehsalına təzyiq göstərəcək.

Qeyd edək ki, alimlərin “BioBag” adlandırdıqları ixtira 2017-ci ildə 105-120 gün ərzində səkkiz döl quzu yetişdirməyi bacarıb. Bu yaxınlarda təqdim edilən “EctoLife” layihəsi ənənəvi doğuşu əvəz edə biləcək süni bətnlər istehsal edəcəyini və gələcəkdə körpələrin kapsullarda böyüyəcəyini göstərir.

Vanqa 2023-cü ildə Yer kürəsinin ölümcül Günəş fırtınasının hədəfi olacağını da proqnozlaşdırıb. Günəş fırtınaları elektrik enerjisinin və kommunikasiyaların kütləvi kəsilməsinə səbəb olaraq bir sıra problemlər yarada bilər.

Məşhur kahinin digər proqnozunda bildirilir ki, “böyük ölkə” insanlar üzərində bioloji silahlarla işləyəcək və bu da minlərlə insanın ölümü ilə nəticələnəcək. Kahinin proqnozunda ölkə adı çəkilməyib. Ancaq bir çox sosial şəbəkə istifadəçisi bu ölkənin Rusiya, Çin, Şimali Koreya və ya İran ola biləcəyini düşünür.

Bolqar kahinin 2023-cü il üçün son proqnozu Yerin orbitinin dəyişəcəyi ilə bağlıdır. Belə bir dəyişikliyin baş verməsi isə ətraf mühitə dağıdıcı təsir göstərə, həddindən artıq isti hava və dəniz suyunun səviyyəsinin qalxması ilə nəticələnə bilər.

E. KAMAL




Bölməyə aid digər xəbərlər
{sape_links}{sape_article}