Əli İnsanov həbsdə olduğu müddətdə ailə üzvləri ilə görüşməyib
Tarix: 17-03-2019 00:26 | Bölmə: Siyasət
Əli İnsanov həbsdə olduğu müddətdə ailə üzvləri ilə görüşməyib

“Əli İnsanov həbsdə olduğu 14 il ərzində bir dəfə olsun ailə üzvlərinə zəng vurmayıb, onlarla telefonla danışmayıb”. Reyting.az xəbər verir ki, bunu keçmiş səhiyyə nazirinin vəkili Toğrul Bağırov virtualaz.org-a açıqlamasında deyib.

Vəkilin sözlərinə görə, Əli İnsanovun ailə üzvləri - qızı, oğlu və həyat yoldaşı Bakıda yaşayır. Onlar keçmiş nazirin əfv olunduğu haqda xəbəri KİV-lərdən eşidiblər.

“Bu illər ərzində o nə qızı, nə də həyat yoldaşı ilə görüşüb və bir dəfə də olsun onlarla danışmayıb. Onun xarakteri belədir. Sərtdir. O, telefonla danışmağı xoşlamır”, -vəkil qısaca deyib. Və prezidentin əfv sərəncamından sevincini gizlətməyib.

Bəs Ə. İnsanov uzun müddətli həbsdən sonra azadlığa buraxılması üçün hakimiyyətə müraciət etmişdimi? Vəkil bu suala belə cavab verib:

“Bu dəfə gözləntilər güclü idi. Mən KİV-lərdə dərc edilən yazılar barədə ona danışırdım. Hərçənd özü tezliklə azadlığa çıxacaq və yəqin ki, özü bütün bunlar haqda sizə danışacaq”.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}