Qar uçqunu: minə yaxın turist dağlarda qalıb
Tarix: 16-01-2024 17:55 | Bölmə: Cəmiyyət
Qar uçqunu: minə yaxın turist dağlarda qalıb

Çinin ucqar bir tətil kəndində minə yaxın turist qar uçqunu səbəbindən dağlarda qalıb.

Reyting.az
“Röyter”ə istinadla bildirir ki, turistlərin üz tutduğu Qazaxıstan, Rusiya və Monqolustan sərhədlərinə yaxın mənzərəli yer olan Xem kəndinə gedən yol bir neçə gündür qar uçqunu altındadır.

Kənd 10 gündür davamlı qarın müşahidə olunduğu Altay prefekturasında yerləşir. Güclü qar əsas magistral yollarda onlarla uçqunlara səbəb olub. Bəzi turistlər helikopterlə təxliyə edilib. Uçqunların gətirdiyi qarın hündürlüyünün bəzi yerlərdə yeddi metrə çatdığı bildirilir. Yolun 50 kilometrlik hissəsinin təmizlənməsi işlərinə bir həftə əvvəl başlanılıb.

Xilasetmə əməliyyatına uçqunlar nəticəsində qoparaq qara qarışmış qayalar mane olur.

Magistral yolların idarə olunması bürosunun rəhbəri deyib ki, əvvəllər belə güclü qar yağsa da, bu qədər qar uçqunu görməyiblər.

V. QULİYEV




Bölməyə aid digər xəbərlər
11-04-2024, 18:09 Bakıda qətl törədilib
10-04-2024, 12:15 Sabah yağış yağacaq

{sape_links}{sape_article}