Səmada kabus: sərnişin təyyarəsində ölən və yaralananlar var
Tarix: 21-05-2024 16:35 | Bölmə: Cəmiyyət
Səmada kabus: sərnişin təyyarəsində ölən və yaralananlar var

Londondan səmaya qalxan sərnişin təyyarəsi Sinqapur əvəzinə Taylanda enməli olub. Sinqapur Hava Yolları “Boeing 777” təyyarəsinin göyərtəsində ən azı bir nəfərin öldüyünü və yaralananların olduğunu təsdiqləyib. Buna səbəb kimi təyyarənin turbulentlə (burulğan) üzləşməsi göstərilir.

Reyting.az
xəbər verir ki, Sinqapura uçan “Boeing 777-300ER” tipli təyyarə Taylandın paytaxtı Banqkoka istiqamətlənib və yerli vaxtla saat 15:45-də enib.

Aviaşirkətin açıqlamasında bildirilir ki, SQ 321 reysinin cəmi 211 sərnişin və 18 ekipaj üzvü olub.

Aviaşirkətin məlumatına görə, sərnişinlərə tibbi yardım göstərmək üçün Tayland səlahiyyətliləri ilə işləyirlər və lazım olan hər hansı əlavə yardım üçün Banqkoka bir qrup göndərəcəklər.

Tayland hakimiyyəti hava limanına təcili yardım maşınları və yardım qrupları göndərib.

Qeyd edək ki, turbulent pilotlar üçün hava hadisələrinin ən gözlənilməzlərindən sayılır. Təyyarə havada olarkən ən çox ildırım çaxanda və ya buludlu havalarda turbulentlə qarşılaşır.

V. QULİYEV




Bölməyə aid digər xəbərlər
12-06-2024, 12:49 Sabah yağış yağacaq
11-06-2024, 13:09 Sabah yağış yağacaq

{sape_links}{sape_article}