00:11 / 14-06-2024
Bu gün "Son zəng"dir
İlon Mask daha güclü kompüter hazırlatdırır
Tarix: 29-05-2024 07:04 | Bölmə: Cəmiyyət
İlon Mask daha güclü kompüter hazırlatdırır

İlon Maska məxsus "xAI" şirkətində "xAI" superkompüteri hazırlanacaq. Bu ideyanın müəllifi olan amerikalı sahibkar, milyardçı İlon Mask qısaca olaraq fikrini belə ifadə edib: "Mən supürkompüter istəyirəm".

Reyting.az
"Reuters" agentliyinə istinadla bildirir ki, İ. Maskın "xAI" şirkəti "xAI botu Grok" şəbəkə sistemini yeniləşdirib mükəmməl, daha da müasir vəziyyətə gətirmək üçün güclü kompüterini qurmağı planlaşdırır.

İlk dəfə bununla bağlı amerikalı milyardçı bir neçə gün əvvəl investorlarla keçirdiyi görüşü zamanı danışıb.

Hesabatda deyildiyinə görə, İ. Mask öz superkompüterini gələn ilin payızında işə salmağı planlaşdırır. Mask həmçinin əlavə edib ki, "xAI" şirkəti bu layihədə "Oracle" şirkəti ilə əməkdaşlıq edə bilər. Lakin Maskın verdiyi açıqlamadan sonra sahibi olduğu "xAI" şirkəti, həm də əməkdaşlıq məsələsində adı keçən "Oracle"-ın rəsmi nümayəndələri görüləcək birgə işlə bağlı məsələyə hələ münasibət bildirməyiblər.

Mövcud məlumatlara əsasən "xAI" şirkəti superkompüterdə "Nvidia H100" tipli yüksək sürətləndiricilərindən istifadə etməyi planlaşdırır. Ancaq bütün bunlara baxmayaraq tərtibatçıların yeni superkompüter yaratmaqdan ötrü dəqiq neçə sürətləndiricidən istifadə edəcəkləri açıqlanmır.

"Reuters" yazır ki, şirkət "Grok 2" dil modelinin hazırlanması üçün 20 min H100 sürətləndiricisi resursundan istifadə edib:

"Bunun özü yeni bir xəbər idi, çünki daha əvvəl İlon Mask bildirmişdi ki, gələcək nəsil alqoritminin hazırlanması üçün 100 min sürətləndirici lazımdır".

Xatırladaq ki, "Nvidia" sistemindəki H100 sürətləndiriciləri süni intellekt sahəsində istifadə olunan məlumat mərkəzləri üçün çiplər bazarında əsas üstünlük təşkil edir. Ancaq bazarda yüksək tələbat olduğuna görə belə sürətləndiriciləri birdəfəlik çox sayda almaq ilk addımda çətindir.

Qeyd olunur ki, Mask süni intellekt sahəsində bir çox nəhənglərlə - "Microsoft", "OpenAI", eləcə də "Google" kimi böyük təcrübə qazanmış şirkətlərlə rəqabət aparmaq məqsədi ilə keçən il özünün "xAI" şirkətini qurub.

Oqtay QORÇU




Bölməyə aid digər xəbərlər
12-06-2024, 12:49 Sabah yağış yağacaq
11-06-2024, 13:09 Sabah yağış yağacaq

{sape_links}{sape_article}