Türkiyə ilə bağlı qərar Rusiyada narazılıq yaradıb: 553 min rusun planı pozulub
Tarix: 14-04-2021 16:17 | Bölmə: Cəmiyyət
Türkiyə ilə bağlı qərar Rusiyada narazılıq yaradıb: 553 min rusun planı pozulub

Türkiyəyə uçan aviareyslərə məhdudiyyət qoyulması Rusiyada gərginlik yaradıb. Ruslar rəsmi Moskvanın bu qərarına sərt reaksiya verirlər. Turizm üzrə mütəxəssislər isə rusların ən çox maraq göstərdiyi ölkələrdən olan Türkiyəyə uçuş məhdudiyyətinin aradan qaldırılmasını gözləyirlər.

Reyting.az
xatırladır ki, ruslar üçün vazkeçilməz tətil mərkəzi olan Antalya ötən il ən azı 1,5 milyon Rusiya vətəndaşını qəbul edib.

Ötən ildən daha çox turist qəbul etməyi planlaşdıran Türkiyə ilə Rusiya arasında hava uçuşlarının 15 aprel-1 iyun tarixlərinə qədər dayandırılması müəyyən problemlər yaradır.

Otel İdarəçiləri Dərnəyinin (POYD) rəhbəri Ülkay Atmaca deyib ki, ruslar üçün Antalya istirahət mərkəzləri ön yerlərdədir. Onun sözlərinə görə, xaricə tətilə gedən rusların yarısından çoxu Türkiyəni seçir: “Antalyada istirahət etməyi planlaşdıran rus turistləri üçün uçuşların dayandırılması gözlənilməz qərardır. Çünki bu günə qədər Rusiyadan çoxlu sayda rezarvasiya həyata keçirilib”.



Hava limanlarından otellərə qədər pandemiya ilə bağlı önləyici tədbirlər görüldüyünə diqqət çəkən Atmaca, ötən il və bu il Türkiyəyə gələn rus turistlərin bu tədbirlədən istifadə etdikləri və məmnun qaldıqlarını xatırladıb.

Türkiyə Turizm Agentlikləri Birliyinin (TÜRSAB) Aralıq dənizi bölgəsi üzrə nümayəndəsi Fərid Turqut turizm sektorunun ciddi şəkildə mövsümə hazırlaşdığını deyib. Bildirib ki, turizm markası halına gələn Antalyanın ən böyük müştərisi siyahısında Rusiya başdadır. İkinci Almaniya, üçüncü isə İngiltərədir.

“Turizm sektoru olaraq dünyaya nümunə göstəriləcək tədbirlər həyata keçiririk. Buna qədər müştərilərimizi problemsiz qarşıladıq. Sağlam və maraqlı istirahət etdilər, məmnun şəkildə ölkələrinə döndülər və pandemiya ilə bağlı hər hansı bir problem yaşamadılar”,- TÜRSAB nümayəndəsi vurğulayıb.



Antalya Şəhər Şurasının İş Qrupunun rəhbəri Rəcəb Yavus isə deyib ki, Rusiyanın uçuşları iyunun 1-nə qədər dayandırmasından sonra otel rezarvasiyası, təyyarə və planlar dəyişib.

Onun sözlərinə görə, rus turizm operatorları bu günə qədər 553 min rezarvasiya həyata keçirdiklərini elan ediblər: “Apreldən etibarən Antalyaya gündəlik ortalama 30 təyyarə ilə 7 min rus qonağı qarşılamağa başlamışdıq. Bu rəqəmin maya qədər daha da artacağı gözlənilirdi. Rus turistlərin istirahət üçün Türkiyəni seçdikləri görünür. 15 aprel-1 iyun arası ən azı 500 min rus turistin rezarvasiyası vardı”.

Bu arada bəlli olub ki, Rusiyada 100 minlərlə insan Türkiyəyə uçuşların dayandırılmasından narazı qalıb. Səbəb bu insanların Antalyada istirahət etmək istəkləri, hətta öncədən təyyarə və otel sifarişləri verməsidir.

Türkiyə Xarici işlər naziri Mövlud Çavuşoğlu isə deyib ki, Rusiyanın Türkiyəyə uçuşları dayandırması haqda qərarının müəyyən təsirləri olacaq. Ancaq nazir bu qərarın arxasında siyasi motiv olmadığını, uçuşların bərpa olunması üçün danışıqlar aparıldığını bildirib.

Reyting.az




Bölməyə aid digər xəbərlər
{sape_links}{sape_article}