Qabil Hüseynli: “Rəşad Atakişiyevə şəhid statusunun verilməsini çoxdan gözləyirdik”
Tarix: 07-05-2021 12:38 | Bölmə: Cəmiyyət
Qabil Hüseynli: “Rəşad Atakişiyevə şəhid statusunun verilməsini çoxdan gözləyirdik”

“Rəşad Atakişiyevə şəhid statusunun verilməsini çoxdan gözləyirdik”.

Bunu Azvision.az –a açıqlamasında polkovnik-leytenant, mərhum pilot Rəşad Atakişiyevin qaynatası, politoloq Qabil Hüseynli deyib. Onun sözlərinə görə döyüş təlimi zamanı qəza nəticəsində həyatını itirən pilota şəhidlik statusunun verilməsi mütləq idi.

“Ona şəhidlik statusunun veriləcəyini gözləyirdik. İnanırdıq ki, Rəşad nə vaxtsa şəhid statusu alacaq. Qəza ilə bağlı təhqiqatlar aparılırdı və bu istiqamətdə işlər gedirdi. Gecə baş tutan döyüş təlimi zamanı qəza baş vermişdi. Rəşad təlimdə tapşırığı yerinə yetirən zaman şəhid olmuşdu. Yəni onların keçirdiyi hərbi təlimlər döyüş şəraitinə bərabər tutulur”.

Qeyd edək ki, bu günlərdə Hərbi Hava Qüvvələrinin "MiQ-29" təyyarəsinin pilotu, polkovnik-leytenant Rəşad Atakişiyevə şəhid statusu verilib.

Xatırladaq ki, 2019-cu ilin iyul ayının 24-ü saat 22.00 radələrində plana uyğun olaraq gecə vaxtı təlim-məşq uçuşları keçirən Azərbaycan Hərbi Hava Qüvvələrinə məxsus MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev şəhid olub.




Bölməyə aid digər xəbərlər
bütün xəbərlər
{sape_links}{sape_article}