AFFA futbolçuları cəzalandırıb
Tarix: 07-05-2025 11:56 | Bölmə: İdman
AFFA futbolçuları cəzalandırıb

AFFA İntizam Komitəsi "Zirə"nin kapitanı Qismət Alıyev və "Neftçi"nin yarımmüdafiəçisi Elvin Camalovu iki oyunluq cəzalandırıb.

Reyting.az
xəbər verir ki, bu barədə AFFA məlumat yayıb.

02.05.2025-ci il tarixində Misli Premyer Liqasında XXXIII turun “Zirə” – “Turan Tovuz” oyununun 59-cu dəqiqəsində “Zirə” klubunun 32 nömrəli futbolçusu Qismət Alıyev ciddi qayda pozuntusuna görə birbaşa qırmızı vərəqə aldığı üçün 2 oyun cəzalansın, “Zirə” klubu 1500 manat cərimə edilsin (maddə 39.1);

02.05.2025-ci il tarixində Misli Premyer Liqasında XXXIII turun “Zirə” – “Turan Tovuz” oyununda “Turan Tovuz” klubunun 4 futbolçusu sarı vərəqə aldığı üçün “Turan Tovuz” klubu 700 manat cərimə edilsin (maddə 37);

03.05.2025-ci il tarixində Misli Premyer Liqasında XXXIII turun “Araz-Naxçıvan” – “Sabah” oyununda “Sabah” klubunda 4 nəfər sarı vərəqə aldığı üçün “Sabah” klubu 700 manat cərimə edilsin (maddə 37);

04.05.2025-ci il tarixində Misli Premyer Liqasında XXXIII turun “Neftçi” – “Kəpəz” oyununun 70-ci dəqiqəsində “Neftçi” klubunun 4 nömrəli futbolçusu Elvin Camalov ciddi qayda pozuntusuna görə birbaşa qırmızı vərəqə aldığı üçün 2 oyun cəzalansın, “Neftçi” klubu 1500 manat cərimə edilsin (maddə 39.1);




Bölməyə aid digər xəbərlər