16:18 / 01-03-2024
Navalnı dəfn olunub
İlqar Rəhimov: “İdmançılarımızı məsuliyyətli yarış gözləyir” - Foto
Tarix: 02-05-2019 20:47 | Bölmə: İdman
İlqar Rəhimov: “İdmançılarımızı məsuliyyətli yarış gözləyir”

Azərbaycanın cüdo idman növü üzrə paralimpiya milli komandasının üzvləri ilə görüş keçirilib.

Reyting.az
-ın məlumatına görə, görüşdə Azərbaycan Milli Paralimpiya Komitəsinin prezidenti İlqar Rəhimov, birinci vitse-prezident Natiq Qasımov, baş katib Kamal Məmmədov, kişilərdən ibarət komandanın baş məşqçisi İbrahim İbrahimov və qadınlardan ibarət komandanın baş məşqçisi Ramin İbrahimov iştirak ediblər. Tədbir Sumqayıt şəhərində yerləşən Paralimpiya İdman Kompleksində baş tutub.

Tədbiri açan Azərbaycan Milli Paralimpiya Komitəsinin (MPK) prezidenti İlqar Rəhimov bildirib ki, iki həftə sonra idmançılarımızı olduqca məsuliyyətli yarış gözləyir. İlk dəfə olaraq Bakıda para cüdo idman növü üzrə beynəlxalq qran-pri yarışı baş tutacaq.

"Siz də bu yarışlara ciddi hazırlaşırsınız. Artıq bir neçə dəfə təlim məşq toplantılarında iştirak etmisiniz. İki həftə sonra isə doğma divarlar arasında, yerli azarkeşlər qarşısında gücünüzü nümayiş etdirməlisiniz", - komitə prezidenti vurğulayıb.

Yarışın əhəmiyyətindən söz açan MPK prezidenti qeyd edib ki, bu yarışlar "Tokio 2020" XVI yay paralimpiya oyunlarına lisenziya xalları qazandırır.

"İnanırıq ki, siz bu yarışlarda uğurla çıxış edəcək, "Tokio 2020" yay paralimiya oyunlarına lisenziya xalları qazanacaqsınız", - deyə o vurğulayıb.

Daha sonra idmançılara yeni formalar və yarışların akkreditasiyaları təqdim olunub.

Tədbirdən sonra beynəlxalq dərəcəli hakim Mətin Rəhimli para cüdo idman növündəki yeni qaydalar ilə bağlı idmançılara təlim keçib.(Azərtac)

İlqar Rəhimov: “İdmançılarımızı məsuliyyətli yarış gözləyir”




Bölməyə aid digər xəbərlər
23-02-2024, 09:36 Obameyanq tarix yazıb
22-02-2024, 16:00 Millimiz yenə uduzub

{sape_links}{sape_article}