23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
İranlı vəzifədaşı rabitə naziri Ramin Quluzadənin qulağına nə pıçıldayıb? - Foto
Tarix: 19-07-2019 10:36 | Bölmə: İqtisadiyyat
İranlı vəzifədaşı rabitə naziri Ramin Quluzadənin qulağına nə pıçıldayıb?

İranın rabitə naziri Azəri Cəhromi Azərbaycan Respublikasından olan vəzifədaşı ilə səmimi münasibətlər qurub. Cütlüyün yaxınlığını Tehranda çəkilən fotolar da bir daha təsdiqləyir.

Azəri Cəhromi hətta sosial şəbəkədə Ramin Quluzadəyə bir status həsr edib.

Reyting.az “Tvitter”ə istinadla xəbər verir ki, iranlı nazir statusunda yazıb:

"Azərbaycan Respublikasının rabitə naziri cənab Quluzadə bir jurnalistin sualına cavab verərkən, səfirlik tərcüməçisinin yanında dayanmasını istədi. Qulağına dedim ki, Azərbaycan dilində danış, əksər jurnalistlər başa düşür. Əvvəlcə mənə inanmadı, amma sonra söylədiyimə əmin oldu...”

Daha sonra Azəri Cəhromi qeyd edib:

“İranda müxtəlif xalqların mövcudluğu qonşu dövlətlərlə iqtisadi-ticari əməkdaşlıq üçün böyük fürsətdir ki, ondan lazımi ölçüdə fayda götürə bilmirik.

Xalqlar bölgənin güclənməsində mühüm amil və potensialdır. Niyə də onlardan istifadə etməyək?”

Xatırladaq ki, iyulun 18-də Tehranda 25-ci Beynəlxalq Elektronika, Kompüter və Elektron Ticarət (“Elecomp–2019”) sərgisi işə başlayıb.

Azərbaycanın nəqliyyat, rabitə və yüksək texnologiyalar naziri Ramin Quluzadənin rəhbərliyi ilə nümayəndə heyətimiz sərginin açılış mərasimində iştirak edib.

İranlı vəzifədaşı rabitə naziri Ramin Quluzadənin qulağına nə pıçıldayıb?




Bölməyə aid digər xəbərlər
{sape_links}{sape_article}