19:12 / 23-10-2019
XİN başçısı istefa verib
Elektrik enerjisi üçün limit artırıla bilər
Tarix: 29-09-2019 10:38 | Bölmə: İqtisadiyyat
Elektrik enerjisi üçün limit artırıla bilər

Son günlər elektrik enerjisinin istifadəsi üçün limitin artırılması məsələsi yenidən gündəmə gətirilib.

İqtisadçı-ekspert Pərviz Heydərov Lent.az -a bildirib ki, hazırda bununla bağlı mövcud tariflərə daha diferensiallaşdırılmış şəkildə baxılması zərurəti yaranıb:

“Son dövrlərdə ölkənin elektroenergetika sahəsində çox böyük işlər görülür, investisiyalar yatırılır. Mövcud stansiyalar yenidən qurulur, yaxud yeniləri açılır. Prezident İlham Əliyev yaxınlarda Bakıda “Şimal-2” Elektrik Stansiyasının istismara verilməsi ilə bağlı mərasimdə iştirak etdi.

Hazırda bu sahədə görülən işlər əlavə vəsaitlər tələb edir və bunun müəyyən hissəsi kreditlər hesabına həyata keçirilir. Bu baxımdan stansiyalardan qazanc şəklində qısa müddətdə geriyə vəsaitin əldə edilməsi problemləri mövcuddur. Amma bununla belə, hesab edirəm ki, əhalinin orta təbəqəsi üçün elektrik enerjisi sahəsində mövcud limitin müəyyən dərəcədə artırılmasına ehtiyac var”.

İqtisadçı-ekspert əlavə edib ki, əgər limit artırılarsa, bu qərar ölkənin enerji balansı, istehlakı üçün ciddi fəsadlara, itkilərə səbəb ola bilməz.

Qeyd edək ki, hazırda əhali üzrə aylıq elektrik enerjisi istehlakı 300 kilovat-saatadək olanlar üçün 7 qəpik, aylıq istehlak həcminin 300 kilovat-saatdan çox olan hissəsi üçün isə 11 qəpik müəyyənləşdirilib.

Xatırladaq ki, Tarif Şurasının 2019-cu il aprelin 30-dakı qərarı ilə əhali üçün təbii qazın güzəştli tariflə illik istehlak limiti 1 700 kubmetrdən 2 200 kubmetrədək artırılıb. Bununla da bu il mayın 1-dən etibarən qüvvəyə minən qərara əsasən, ildə 2 200 kubmetrə qədər qazdan istifadəyə görə ödəniş hər kubmetrə görə 10 qəpikdən hesablanır. İstehlak olunan qazın 2 200 kubmetrdən çox olan hissəsi üçün isə hər kubmetrə görə 20 qəpik ödənilir.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}