11:29 / 07-12-2021
Azərbaycan nefti bahalaşır
Deputat: “Əhalimizin geri qayıtması üçün onların məşğulluğu da təmin edilməlidir”
Tarix: 26-10-2021 12:23 | Bölmə: İqtisadiyyat
Deputat: “Əhalimizin geri qayıtması üçün onların məşğulluğu da təmin edilməlidir”

“Prezident İlham Əliyev Qubadlı rayon ictimaiyyəti ilə görüşü zamanı bu bölgədə yaşayacaq insanlara normal şəraitin yaradılması, onların rifah içərisində ömür sürəcəyi, belə səfalı torpaqlarda dolanışığn yaxşı olacağını təsadüfən söyləmirdi. Cənab prezident hakimiyyətə gəldiyi ilk dövrdən səsləndirirdi ki, hər şey ölkə insanının maddi durumunun, rifahının yaxşılaşdırılmasına yönəldilməlidir. Prezident işğaldan azad edilmiş Qubadlıda da bu sözlərini təkrarladı”.

Bunu Reyting.az-a Milli Məclisin üzvü Elman Məmmədov Azərbaycan Respublikası Prezidenti İlham Əliyevin Qubadlı rayonuna səfəri çərçivəsində ictimaiyyət nümayəndələri ilə görüşü zamanı işlətdiyi fikirləri şərh edərkən deyib.

E. Məmmədov xatırladıb ki, işğaldan əvvəl Qubadlı da daxil olmaqla dağlıq və dağətəyi rayonlarımız əsasən heyvandarlıq və əkinçiliklə məşğul olub: “Əlbəttə, az sayda sənaye müəssisələri də fəaliyyət göstərib, amma rayon iqtisadiyyatını əsasən kənd təsərrüfatı təşkil edib. Əhalimizin geri - doğma yurduna qayıtması üçün sözsüz ki, məşğulluq da təmin edilməlidir. Yalnız kənd təsərrüfatı ilə kifayətlənmək doğru olmazdı. Cənab prezident də fikrini bu məqsədlə dedi. Yəni digər rayonlarımız kimi, Qubadlının yerli şəraiti, iqlimi, relyefi, təbii sərvət və imkanları nəzərə alınaraq yəqin ki, müəyyən sənaye sahələrinin yaradılması da nəzərdə tutulur. O cümlədən xarici investisiyanın cəlb edilməsi də hədəflənir. Başqa rayonlarımızda olduğu kimi, Qubadlıda da iqtisadiyyatın şaxələndirilmiş formalarından istifadə olunacaq ki, əhalinin məşğulluğu təmin edilsin”.

Deputat Qubadlının həm də sərhəd rayonu olduğuna diqqət çəkib: “Qubadlı Ermənistanla həmsərhəddir. Burada inkişaf və quruculuq, yaşam imkanları daha yüksək səviyyədə təşkil edilməlidir ki, düşmən üçün gözdağına çevrilsin. Əhalinin qayıdışında mənzil şəraiti hamıya yaradılacaq, amma iş məsələsi də çox vacibdir. Əhalini yalnız kənd təssərrüfatı sahəsinə istiqamətləndirmək düzgün olmazdı. Odur ki, cənab prezidentin rəhbərliyi ilə əhalinin qayıdış proqramında - əlbəttə, biz orada nəzərdə tutulanların hamısını bilmirik - Qubadlıda da sənayenin müəyyən istiqamətlərinin bünövrəsi qoyulacaq”.





Bölməyə aid digər xəbərlər
bütün xəbərlər
{sape_links}{sape_article}