17:38 / 28-03-2024
Əməkdar artist vəfat edib
Departament rəhbəri ölkəmizi Beynəlxalq Forumda təmsil edib - Foto
Tarix: 27-08-2018 21:05 | Bölmə: İqtisadiyyat
Departament rəhbəri ölkəmizi Beynəlxalq Forumda təmsil edib

İqtisadi İslahatların Təhlili və Kommunikasiya Mərkəzinin (İİTKM) Strateji planlaşdırma və inkişaf departamentinin rəhbəri Ramil Hüseyn Avstraliyada “Asiya İnkişaf Bankı – Asiya Beyin Mərkəzlərinin İnkişaf Forumu 2018”-də Azərbaycanı təmsil edib.

İİTKM-dən Reyting.az-a verilın məlumata görə, Forum Avstraliyanın paytaxtı Kamberra şəhərində Asiya İnkişaf Bankı və Avsraliya Milli Universitetinin təşkilatçılığı ilə keçirilib. Forumda 28 ölkədən dəvət olunan nümayəndələrin iştirakı ilə Asiyanın gələcəyi üçün insan kapitalının və bacarıqlarının inkişafı ilə bağlı geniş fikir mübadiləsi aparılıb.

İki gün davam edən tədbirdə iştirakçılar formal təhsil, texniki peşə təhsili və həyat boyu öyrənmə yolu ilə innovativ texnologiyalardan istifadə məsələləri, Asiya ölkələrində və Avstraliyada insan kapitalının inkişafı istiqamətində görülən işlərlə bağlı təcrübələrini bölüşüblər.

Qeyd edək ki, Asiya Beyin Mərkəzlərinin İnkişaf Forumu 2013-cü ildən etibarən təşkil olunur. Bu Forumun məqsədi quruma üzv olan beyin mərkəzləri arasında iqtisadi artım və inklüziv inkişaf sahələrində fikir mübadiləsini təmin etməkdir.

2016-cı ildən etibarən Azərbaycanı Asiya Beyin Mərkəzlərinin İnkişaf Forumunda İqtisadi İslahatların Təhlili və Kommunikasiya Mərkəzi təmsil edir. İİTKM–in nümayəndələri bundan öncə Hindistanda və Şir-Lankada da keçirilən forumlarda müzakirələrə qatılıblar.

Departament rəhbəri ölkəmizi Beynəlxalq Forumda təmsil edib




Bölməyə aid digər xəbərlər
{sape_links}{sape_article}