Çaylarda suyun səviyyəsi dəyişir - Monitorinq
Tarix: 23-07-2019 10:00 | Bölmə: Xəbər lenti
Çaylarda suyun səviyyəsi dəyişir

Respublikanın çaylarında aparılan monitorinqin nəticələri açıqlanıb.

Reyting.az
Ekologiya və Təbii Sərvətlər Nazirliyinə istinadla xəbər verir ki, hazırda Böyük Qafqazın Quba-Xaçmaz bölgəsindən axan Vəlvələçay çayında sululuq ongünlük normadan çox olmaqla normanın 110 faizini, Kiçik Qafqazın ərazisindən axan Kürəkçay və Zəyəmçay çaylarında sululuq ongünlük normadan az və normaya yaxın olmaqla 30-80 faizini, Lənkəran-Astara bölgəsindən axan Lənkərançay, Vəşərüçay və Viləşçayda isə sululuq ongünlük normadan çox olmaqla 110-140 faizini təşkil edir.

Tranzit çaylarda faktiki vəziyyətə gəlincə, iyulun 19-da Kür çayının Qıraqkəsəmən məntəqəsində suyun səviyyəsində 10 sm artım müşahidə olunub. Hazırda məntəqədə su sərfi 83 kub/s qeydə alınır ki, bu da ongünlük normadan az olmaqla normanın 40 faizini təşkil edir. Mövcud vəziyyət 2018-ci ilin müvafiq dövrü ilə müqayisədə 112 kub/s olmaqla, ongünlük normadan az olub.

Qanıx çayının Əyriçay məntəqəsində suyun səviyyəsində 8 sm artım müşahidə olunub. Hazırda məntəqədə su sərfi 55 kub/s qeydə alınır ki, bu da ongünlük normadan az olmaqla normanın 49 faizini təşkil edir. Bu rəqəm 2018-ci ildə 40 kub/s təşkil etməklə ongünlük normadan az olub.

Araz çayının Qıvraq məntəqəsində suyun səviyyəsində 3 sm azalma müşahidə olunub. Hazırda məntəqədə su sərfi 9 kub/s qeydə alınır ki, bu da ongünlük normadan az olmaqla normanın 10 faizini təşkil edir. Bu rəqəm 2018-ci ildə 43 kub/s təşkil etməklə ongünlük normadan az olub.

Kür çayının aşağı axınında hazırki vəziyyətə gəlincə, iyulun 19-da Kür çayının aşağı axınında suyun səviyyəsində azalma müşahidə olunub. Belə ki, Kür çayının Surra məntəqəsində suyun səviyyəsi 2 sm azalaraq 318 sm təşkil edib. Bu rəqəm 2018-ci il iyulun 19-da isə 318 sm olub. Şirvan məntəqəsində suyun səviyyəsi 2 sm azalaraq 57 sm qeydə alınıb. 2018-ci il iyulun 19-da isə bu rəqəm 153 sm təşkil edib. Salyanda suyun səviyyəsi 1 sm azalıb və 69 sm olub. Məntəqədə suyun səviyyəsi 2018-ci ilin müvafiq dövründə 63 sm qeydə alınıb. Bankə məntəqəsində suyun səviyyəsi 1 sm azalaraq 158 sm olub və bu göstərici 2018-ci il iyulun 19-da 171 sm qeydə alınıb. Araz çayının Novruzlu məntəqəsində isə suyun səviyyəsi 3 sm azalaraq 27 sm müşahidə olunub. Bu rəqəm 2018-ci il iyulun 19-da isə 40 sm təşkil edib.скачать dle 10.5фильмы бесплатно




Bölməyə aid digər xəbərlər
24-08-2019, 10:02 Xəzərdə zəlzələ oldu

{sape_links}{sape_article}