17:53 / 14-10-2019
Əhmədova haradadır?
General-mayor inspektoru həbslə hədələyir - Fotolar
Tarix: 10-09-2019 17:01 | Bölmə: Xəbər lenti
General-mayor inspektoru həbslə hədələyir

Şəmkir Rayon Polis Şöbəsinin Dövlət Yol Polisi Bölməsinin inspektoru Malik İbad oğlu Məhərrəmov üzləşdiyi problemlə bağlı Daxili işlər naziri, general-polkovnik Vilayət Eyvazova müraciət etmək məcburiyyətində qalıb.

Reyting.az
xəbər verir ki, Malik Məhərrəmovun Vilayət Eyvazova müraciətinə səbəb Daxili İşlər Nazirliyinin Daxili Təhqiqatlar İdarəsinin rəisi, general-mayor Sahib Mirzəyev tərəfindən təhdid olunmasıdır.

M. Məhərrəmov “AzPolitika.info” saytına da göndərdiyi müraciətində yazır:

“Cənab nazir, bir neçə saat əvvəl Daxili İşlər Nazirliyinin Daxili Təhqiqatlar İdarəsinin rəisi, polis general-mayoru Sahib Mirzəyev tərəfindən təhdid olunduğuma görə Sizə mətbuat vasitəsilə müraciət etmək məcburiyyətində qaldım.

Məruzə edərək bildirirəm ki, mən 2008-ci il tarixdən Daxili İşlər orqanlarında – Şəmkir RPŞ-nin DYPB-nin Yol Patrul Xidməti inspektoru vəzifəsində işləyirəm. 28. 07. 2019-cu il tarixdə Şəmkir RPŞ-nın rəisi, polis polkovniki Elnur Həsənov tərəfindən heç bir qanuni əsas olmadan, onun müəyyən qanunsuz tələblərini yerinə yetirmədiyimə görə (Uzun illər sıralarında olduğum Daxili İşlər Orqanlarının nüfuzuna xələl gətirməmək üçün təfərrüatı burda yazmıram) daxili sərəncama götürülmüşəm. 02. 08. 2019-cu il tarixdə Sizə yazdığım raportdan sonra Daxili İşlər Nazirliyinin Daxili Təhqiqatlar İdarəsində başlayan araşdırma zamanı işdən çıxarılmağımın qanunsuz və qərəzli olduğunu sənədlərlə sübut etməyimə baxmayaraq, idarənin rəisi Sahib Mirzəyev ilk gündən ortada təkzibolunmaz sübutlar olmasına əhəmiyyət vermədən mənim şikayətimə obyektiv yanaşmamış, cinayət xarakterli bu sübutları görməzlikdən gələrək polkovnik Elnur Həsənovun tərəfini tutmuşdur”.

General-mayor inspektoru həbslə hədələyir
Elnur Həsənov

M. Məhərrəmov müraciətində qeyd edir ki, bir aydan artıq davam edən araşdırma zamanı onun və ümumilikdə polis rəisinin təqibinə məruz qalan, qanunsuz tələblərilə üzləşən 50-dən yuxarı polis əməkdaşının şikayətinə obyektiv qiymət verilmədiyindən rayonun hörmətli ağsaqqalları, təqaüddə olan keçmiş polis işçiləri Prezident İlham Əliyevə və Birinci vitse-prezident Mehriban xanım Əliyevaya şikayət məktubu ünvanlayaraq, Elnur Həsənovun qanunsuz əməllərini sadalayıb və onun cəzalandırılmasını xahiş ediblər: “Bundan qəzəblənən general-mayor Sahib Mirzəyev bu gün məni qəbuluna çağıraraq, həbslə təhdid etdi. Eyni zamanda Prezidentə və Mehriban xanıma şikayət edən ağsaqqalların, keçmiş polis işçilərinin “başına oyun açacağını” da bildirdi. S. Mirzəyev şikayətimin obyektiv araşdırılması, ortaya qoyduğum cinayət xarakterli sübutlara hüquqi qiymət vermək əvəzinə mənim yanımda şikayətçi olduğum polkovnik Elnur Həsənova zəng vuraraq, “O yanımdadır, başına oyun açacağam. Ordan 3-4 nəfər tap bunun üzünə qoy, həbs edək”, - deyə məni bir daha təhdid etməklə, şikayətimə obyektiv qiymət vermək iqtidarında olmadığını açıq nümayiş etdirdi”.

Bu səbəbdən də, şikayətçi, nazir V. Eyvazovdan xahiş edir ki, üzləşdiyi haqsızlıqları nəzərə alıb onu qəbul etsin.

General-mayor inspektoru həbslə hədələyir

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}