14:50 / 28-02-2024
Lavrov Türkiyəyə gedir
Nailə İslamzadə: “Cavanşir Quliyevin vəziyyəti çox ağırdır"
Tarix: 12-02-2024 11:00 | Bölmə: Mədəniyyət
Nailə İslamzadə: “Cavanşir Quliyevin vəziyyəti çox ağırdır"

Əməkdar incəsənət xadimi, bəstəkar Cavanşir Quliyevin vəfatı ilə bağlı sosial şəbəkələrdə məlumatlar yayılıb. Lakin bu məlumatlar yalandır. Yaxınları bildirir ki, bu gün 74 yaşlı bəstəkar İstanbulda əməliyyat olunacaq.

Reyting.az
-ın məlumatına görə, Əməkdar artist Nailə İslamzadə bildirib ki, Cavanşir Quliyevin səhhəti ağırlaşıb:

“Səhər saatlarında sosial şəbəkədə Cavanşir Quliyevin vəfat etməsi ilə bağlı xəbərləri oxudum. Dərhal Cavanşir bəyin həyat yoldaşı, Azərbaycan Televiziyasında (AzTV) mənimlə illərlə birgə çalışan həmkarım Ülkər xanımla əlaqə saxladım. O bu xəbərlərin yalan olduğunu və Cavanşir bəyin həkim nəzarətində, xəstəxanada olduğunu bildirdi. Onun sağlamlıq vəziyyəti çox ağırdır.

Ülkər xanım söylədi ki, o, bu gün əməliyyat olunacaq”.

C. Quliyevin uzun müddətdir xəstə olduğunu xatırladan N. İslamzadə əlavə edib ki, bəstəkar Türkiyədən Bakıya gələndə immun sistemində problemlər yaranıb:

“Özünü çox pis hiss edib. Həmçinin burada yaş da öz sözünü deyir. Dua edək ki, Cavanşir bəyin əməliyyatı uğurla keçsin və sevənlərinin yanına sağlam qayıtsın”.




Bölməyə aid digər xəbərlər
{sape_links}{sape_article}