İran partiyalarından etiraz: “Azərbaycan mədəni irsimizi müsadirə edir”
Tarix: 24-08-2019 10:53 | Bölmə: Mədəniyyət
İran partiyalarından etiraz: “Azərbaycan mədəni irsimizi müsadirə edir”

İrandakı bir qrup siyasi partiya İstanbulda orta əsr alim-mütəfəkkiri Əbunəsr Farabinin Ev muzeyinin açılışı ilə əlaqədar Milli İrs Nazirliyinə etiraz məktubu ünvanlayıblar.

Reyting.az
“İSNA” agentliyinə istinadla xəbər verir ki, etirazçılar Farabinin türk alimi kimi təqdimatını “mədəni irsin müsadirəsi” kimi dəyərləndiriblər.

Açıq məktubda deyilir: "Bir müddət əvvəl böyük İran filosofu Türkdilli Ölkələrin Əməkdaşlıq Şurası və Qazaxıstanın Türkiyədəki səfirliyinin dəstəyi ilə Qazaxıstanın Farabi Universiteti və İstanbul Bələdiyyəsi tərəfindən müsadirə edilib. Halbuki 2020-ci ildə YUNESKO xətti ilə qədim İran torpağı olan Soqdianada doğulmuş alimin 1150 illik yubileyi qeyd olunacaq”.

Ciddi tarixi qaynaqlara əsaslanmadan hazırlanmış sənədi imzalayan 9 siyasi partiya bölgədəki bəzi ölkələrin ortaq tarixi və mədəniyyəti “mənimsəmə”sinə digər “dəlillər” də gətirirlər.

İranlı siyasətçilər Nizami Gəncəvi, habelə tar musiqi aləti və çovqan oyununun milli miras kimi qeydiyyata aldırma cəhdinə görə Azərbaycan Respublikasını da qınayırlar.

Açıq məktubu İran Milli Birlik Partiyası, Tərəqqi Partiyası, Xalq İslahatlar Partiyası, İran İslam Birliyi Partiyası və digər siyasi qurumlar imzalayıb.




Bölməyə aid digər xəbərlər
{sape_links}{sape_article}