Bakıda tarixi binanın üzərində qanunsuz tikilən mansard sökülür
Tarix: 30-04-2021 15:04 | Bölmə: Mədəniyyət
Bakıda tarixi binanın üzərində qanunsuz tikilən mansard sökülür

Bakının 28 May küçəsində yerləşən 1908-ci ildə inşa edilmiş memarlıq binasında qanunsuz olaraq artırılan mansardın sökülməsi barədə qərar qəbul edilib.

Məlumata görə, memarlıq abidəsinin üzərində 2016-cı ildə artırılmış qanunsuz mansard yaxın müddətdə söküləcək.

Belə ki, qanunsuz tikili ilə bağlı vətəndaşlardan çoxsaylı şikayətlər qeydə alınıb. Bundan sonra Bakı Şəhər İcra Hakimiyyətinin əlaqədar qurumları qanunsuz tikilini sökməyə qərar veriblər.

Qeyd edək ki, tarixi bina “Nizami” kinoteatrının yanında, kinoteatrın arxasında yerləşən bağla üzbəüzdür. Azərbaycanlı milyonçu Musa Nağıyevin sifarişi ilə tikilmiş bu ev memarlıq abidəsi hesab olunur. Unikal memarlıq elementləri ilə seçilən bina “L'Art Nouveau” stilində ucaldılıb/Report.




Bölməyə aid digər xəbərlər
bütün xəbərlər
{sape_links}{sape_article}