16:46 / 19-04-2024
İlham Əliyev Rusiyaya gedir
Politoloq: "Artıq Rusiyanı İsa peyğəmbər də xilas edə bilməz"
Tarix: 24-02-2024 13:32 | Bölmə: Siyasət
Politoloq: "Artıq Rusiyanı İsa peyğəmbər də xilas edə bilməz"

"Rusiyada əlamətdar günlərdən hesab edilən 23 fevral bundan sonra rusların tarixinə fəlakətin rəsmiləşdiyi tarix kimi düşəcək. Çünki Ukraynaya qarşı müharibənin ikinci ilinin tamam olmasına bir gün qalmış ABŞ Rusiyaya cəhənnəmin qapılarının taybatay açılması anlamına gələn sanksiyalar tətbiq edib".

Reyting.az
xəbər verir ki, bunu politoloq Xəqani Cəfərli bildirib.

X. Cəfərli əlavə edib ki, bu günə kimi Vaşinqton yüksək texnologiyaların beyni hesab olunan məlumatların (datalar) emalı mərkəzlərinə qarşı ciddi sanksiyalar tətbiq etmirdi: "Prezident Putin Rusiya müxalifətinin lideri Aleksey Navalnını öldürməklə prezident Co Baydenin “qırmızı xətti”ni keçdikdən sonra Vaşiqnton sarsıdıcı zərbəni endirdi. Bayden hələ üç il öncə xəbərdarlıq etmişdi ki, Navalnın həbsxanada ölməsi Rusiya üçün dağıdıcı hadisə olacaq. Putin bu xəbərdarlığa yalnız üç il dözə bildi”.

Politoloqun fikrincə, ABŞ prezidenti Baydenin vədinə nə qədər əməl edəcəyini yoxlamaq cəhdi Rusiyaya çox baha başa gələcək: “Rusiyaya qarşı bu günə kimi tətbiq edilmiş sanksiyaların ən ağırını işə salmaqla prezident Bayden vədinə əməl edəcəyini göstərdi. Rusiya iqtisadiyyatının darmadağın edilməsinin qarşısını almaq mümkün olmayacaq".

X. Cəfərli qeyd edib ki, Trampın hakimiyyətə gələcəyinə ümid bəsləyən və buna son nicat kimi baxan Putin müharibəni ən azı daha bir il davam etdirmək istəyir: "Ancaq anlamır ki, Baydenin qarşıdakı 11 ay ərzində endirəcəyi zərbələrdən sonra Rusiyanı İsa peyğımbər zühuru da xilas edə bilməyəcək”.

Politoloqun sözlərinə görə, fevralın 23-də Rusiyaya qarşı ən ağır sanksiyalar tətbiq edən Bayden adminstrasiyası bunun yalnız başlanğıc olduğunu bildirib.

X. Cəfərli sonda qeyd edib ki, fevralın 23-də Rusiya üçün ağır zərbələrdən biri də A-50 kəşfiyyat təyyarəsinin məhvidir:

“Ukrayna Silahlı Qüvvələri son iki ay ərzində Rusiyanın ikinci A-50 kəşfiyyat təyyarəsini məhv edib. Əgər bu sürətlə davam edərsə, Rusiya ordusunun gözü və qulağı hesab olunan A-50 kəşfiyyat təyyarələri payıza qədər tamam ilə məhv ediləcək".

ELÇİN




Bölməyə aid digər xəbərlər
{sape_links}{sape_article}