00:11 / 14-06-2024
Bu gün "Son zəng"dir
Prezident: “Ukraynanın müharibədə qələbəsi mümkün deyil”
Tarix: 20-05-2024 18:43 | Bölmə: Siyasət
Prezident: “Ukraynanın müharibədə qələbəsi mümkün deyil”

Bolqarıstan prezidenti Rumen Radev hesab edir ki, Ukraynanın Rusiyaya qarşı müharibədə qələbəsi mümkünsüzdür.

Reyting.az
-ın xəbərinə görə, prezident deyib ki, müharibənin davam etdiyi hər gün Ukrayna, Rusiya və hamı üçün fəlakətlidir.

“Bu, istər-istəməz münaqişənin bütün tərəflərinə təsir göstərir. Bu, istər-istəməz bütün seçkilərə təsir edir - Avropada, ABŞ-da və dünyanın hər yerində. Bunlar və biz növbəti seçkilərdə müharibə ilə sülh arasında seçim edəcəyik”, - deyə prezident əlavə edib.

Radev deyib ki, Rusiya-Ukrayna müharibəsinin davam etməsi və Rusiya üzərində mümkün olmayan qələbəni yeganə mümkün həll yolu kimi təqdim etmək qəbuledilməzdir.

Radevin fikrincə, Rusiya ilə Ukrayna arasındakı münaqişənin Avropaya sıçraması son dərəcə təhlükəlidir: “Baş nazir Fikonun sülh tərəfdarı olduğuna görə radikal bir fanatik tərəfindən sui-qəsd cəhdi fərqli fikirlərə və nifrətə köklü dözümsüzlüyü göstərir. Bir çox siyasətçilər, partiyalar və media hər bir səsi Rusiyayönlü kimi qələmə verməklə buna öz töhfəsini verib, bu son ədalətsizdir. Bunlar mənfi nəticələrə gətirib çıxarır”.

Siyasətçi əlavə edib ki, müharibə davam edərsə, Ukrayna infrastrukturu, sənayesi, istehsalı tamamilə məhv edilmiş demoqrafik cəhətdən dağıdılmış ölkəyə çevriləcək və bunun bütün Avropa üçün son dərəcə ciddi nəticələri olacaq.

Qeyd edək ki, iyun ayında Ukrayna Bolqarıstanda yerləşən Rusiya istehsalı olan iki nüvə reaktorunun alınmasına dair saziş imzalamağa ümid edir. Bu yolla ölkə işğal altında olan Zaporojye atom elektrik stansiyasına çıxışın itirilməsini kompensasiya etmək istəyir. Həmçinin bildirilib ki, mart ayında Bolqarıstan Ukraynaya 87 min avro dəyərində hərbi yardımın ilk partiyasını göndərib. O cümlədən, söhbət 100 zirehli transportyorun verilməsindən gedir.

E. KAMAL




Bölməyə aid digər xəbərlər
{sape_links}{sape_article}