Zaxarova: Ruben Vardanyan Rusiya Federasiyasının vətəndaşı deyil
Tarix: 19-06-2024 16:36 | Bölmə: Siyasət
Zaxarova: Ruben Vardanyan Rusiya Federasiyasının vətəndaşı deyil

Ruben Vardanyan Rusiya vətəndaşlığından imtina edib.

Reyting.az
xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Rusiya tərəfinin Ruben Vardanyanın azad edilməsi mövzusunu müzakirə edib-etməməsi ilə bağlı sualı cavablandırarkən bildirib.

“Bilirsiniz, mən Ermənistan vətəndaşı olmayan Ruben Vardanyanın Azərbaycan həbsxanasında olması ilə bağlı məsələnin Ermənistan-Azərbaycan təmasları zamanı gündəmə gəlib-gəlmədiyini görməmişəm. İndi mənə bu məlumatı versəniz, bu barədə bilmək mənim üçün çox maraqlı və faydalı olar. Bir daha xatırladıram ki, Ruben Vardanyan Rusiya vətəndaşlığından imtina edib və bunu açıq şəkildə edib. Ona görə də bu cür suallar Bakı və İrəvana ünvanlanmalıdır”, - Zaxarova bildirib.

O, vurğulayıb ki, ümumilikdə Rusiya Federasiyası üçtərəfli sazişlərin həyata keçirilməsini həmişə dəstəkləyib, onun əsas elementi bütün həbs edilmiş şəxslərin azadlığa buraxılmasıdır.

Xatırladaq ki, separatçı Vardanyan 2022-ci ilin sentyabrında qanunsuz yollarla Qarabağa gəlib və burada sözdə “dövlət nazir”i kimi Azərbaycan dövlətinə qarşı silahlı fəaliyyət göstərib. Sonradan Azərbaycan tərəfindən saxlanılaraq ədalət mühakiməsinə təqdim edilib.

E. KAMAL




Bölməyə aid digər xəbərlər
{sape_links}{sape_article}