19:12 / 23-10-2019
XİN başçısı istefa verib
Partiya funksioneri sədrinə qarşı sərt ittihamlar səsləndirdi - Müraciət
Tarix: 02-10-2019 14:29 | Bölmə: Siyasət
Partiya funksioneri sədrinə qarşı sərt ittihamlar səsləndirdi

AXCP Nəzarət-Təftiş Komissiyasının (NTK) sədri Aydın Əliyev yenidən partiya üzvlərinə, Əli Kərimliyə və onun trollarına video-müraciət edib.

Aydın Əliyev video-müraciətində bildirir ki, Əli Kərimli 1993-cü ildə bugünkü rejim rəhbərliyi ilə “siyasi bazarlığa” gedərək Elçibəyə xəyanət edib.

A. Əliyev müraciətində deyir ki, Ə. Kərimli uzun müddət hakimiyyətin təbliğatçısı olan, Azərbaycan müxalifətini təhqir edən Gültəkin Hacıbəylini (keçmiş YAP-çı deputat) bu gün qəhrəmana çevirib, çünki ondan maddi dəstək alır.

A. Əliyev daha sonra AXCP sədrinə müraciətində deyir:

“Əli Kərimli, sən saxta partiya vəsiqələri satmaqla məşğulsan. Azərbaycan müxalifətinin birləşməsinə mane olan sənsən. Bütün birlikləri pozan sənsən. Ölkədə ən böyük xəyanətkar və satqın sənsən. Tez-tez xarici ölkə səfirləri ilə görüşüb bizi aldatmağından utan. Hər görüşdən gələndə deyirsən ki, gəlirik hakimiyyətə, az qalıb.

Əziz cəhbəçi qardaşlarım!

Partiya funksioneri sədrinə qarşı sərt ittihamlar səsləndirdi
A. Əliyev

Xeyli müddətdir ki, Əli Kərimli hakimiyyətin guya müxalifətə mitinq keçirməyə icazə vermədiyini bəhanə edərək bizi aldadırdı. Ancaq nə baş verdi? Sentyabrın 28-də Lökbatan qəsəbəsinin mərkəzindəki böyük bir meydançada mitinq keçirilməsinə icazə verildi. Ancaq qorxaq Əli Kərimli özünün absurd, uydurma bəhanələri ilə AXCP üzvlərinin və xalqın öz etirazını bildirməsinin qarşısını alaraq, insanların mitinqə getməsinə imkan vermir.

Əli Kərimli, axı sən kimə xidmət edirsən? Niyə insanların haqqını pozursan? Hamı yaxşı bilir ki, insanlar öz etirazlarını bildirmək üçün nəinki Lökbatana, hətta Qobustana, Hacıqabula da getməyə hazırdır. Əli Kərimli, bu iküzlü, riyakar oyunlarından əl çək!

Əziz cəhbəçilər!

Biz, Əli Kərimli kimi qorxaq, satqın, xəyanətkar bir liderlə heç nəyə nail olmamışıq, bundan sonra da nail olmayacağıq. Onun məqsədi bizi aldadıb öz çirkin oyunlarının qurbanı etmək, partiyaya ayrılan qrant pullarını və digər maliyyə vəsaitlərini mənimsəmək, hakimiyyətdən özü, yaxın ətrafı üçün daha çox güzəşt və gəlir əldə etməkdir. Əgər belə deyilsə, guya şəhərin mərkəzində piket keçirəcəyi ilə bağlı xalqı aldatmasın, insanları mitinqə çağırsın”.

Sonda A. Əliyev Ə. Kərimliyə müraciətində deyir ki, ömründə bir dəfə mənliyin və cəsarətin olsun, istefa ver, cəhbəçilərin siyasi fəaliyyətinə mane olma, qoy biz özümüz mitinqlər keçirək, hakimiyyətə öz etirazımız bildirib, haqqımızı tələb edək.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}