Siyavuş Novruzovdan Fazil Mustafanın fikirlərinə etiraz: “Xalq artisti deyilik ki...”
Tarix: 22-10-2019 12:25 | Bölmə: Siyasət
Siyavuş Novruzovdan Fazil Mustafanın fikirlərinə etiraz: “Xalq artisti deyilik ki...”

Milli Məclisin bu gün keçirilən iclasında YAP icra katibinin müavini, parlamentin komitə sədri Siyavuş Novruzov həmkarı Fazil Mustafanın fikirləri ilə razılaşmadığını bildirib.

Reyting.az
xəbər verir ki, S. Novruzov F. Mustafanın Milli Məclis haqda səsləndirdiklərinə etiraz edib:

“Fazil Mustafa müsahibəsində deyib ki, islahatlar Milli Məclisdən başlamalıdır. Milli Məclis qanun və qərarlar qəbul edir.

Fazil Mustafa deyir ki, deputatların sosial şəbəkədə işləməsinə mane olurlar. Deputatlara sual edirəm, hansınıza Milli Məclis rəhbərliyi səviyyəsində sosial şəbəkədə işləməyə mane olurlar?

Burada 50-dən çox jurnalist işləyir. Milli Məclis rəhbərliyi hansınıza deyir ki, filankəsin çıxışını verin, filankəsin çıxışını verməyin? Kimin çıxışı maraqlıdırsa, onu verirlər, kimin çıxışı maraqlı olmursa, vermirlər. Bilmirsən xaricdə oturub Prezidentin apardığı islahatları təbliğ edən Milli Məclisə qarşı xaricdəki çıxışçılara qarşı mübarizə aparasan, yoxsa buradakılara qarşı. Bu cür olmaz”.

S. Novruzov əlavə edib ki, hər kəs oturduğu masaya hörmətlə yanaşmalıdır: “Biz xalqa, seçicilərimizə xidmət etməliyik. Xalq artisti deyilik ki, instaqram və başqa yerlərdə özümüzü göstərək. Bəli, təbliğat məsələsini başa düşürəm. Milli Məclisin marağı Oqtay Əsədovun, Ziyafət Əsgərovun, Bahar Muradovanın və ya Siyavuş Novruzovun marağı deyil, bizim ümumi marağımızdır. Azərbaycanda mətbuat və internet azadlığı var, sərbəst toplaşmaq azadlığı təmin edilir. Hamı bunu qanun çərçivəsində həyata keçirə bilər”.скачать dle 10.5фильмы бесплатно




Bölməyə aid digər xəbərlər
{sape_links}{sape_article}