17:50 / 11-12-2019
Psixoloqlar imtahan verəcək
Türkiyənin millət vəkilləri ilə Qarabağ problemi müzakirə olunub - Fotolar
Tarix: 20-11-2019 00:24 | Bölmə: Siyasət
Türkiyənin millət vəkilləri ilə Qarabağ problemi müzakirə olunub

Qarabağ Azadlıq Təşkilatının (QAT) sədri Akif Nağı Türkiyə səfəri çərçivəsində görüşlərini davam etdirir.

Reyting.az
-a verilən məlumata görə, Akif Nağı “Dünya Azərbaycanlıları Platformu”nun başqanı, AK partidən son parlament seçkilərində millət vəkilliyinə namizəd, ictimai-siyasi xadim Samir İsgəndəroğlu, “Dünya Azərbaycanlıları Platformu”nun İdarə Heyətinin üzvü, araşdırmaçı, AK partidən parlament seçkilərinə namizəd Vəfa Aktuzla birlikdə Türkiyə Böyük Millət Məclisində də olublar. İlk olaraq onlar AK partinin AKP partiya qrupunun həftəlik toplantısına qatılıblar. Toplantıda Türkiyə Prezidenti, AK partinin başqanı Rəcəb Tayyib Ərdoğan bir saatlıq nitq söyləyib. Ötən həftə ərzində Türkiyənin daxili və xarici siyasəti ilə bağlı önəmli məsələlərə toxunub, əsas istiqamətləri ilə bağlı fikirlərini bildirib və toplantı iştirakçılarının qarşısında vəzifələr qoyubdur.

Bu toplantıdan sonra A. Nağı, S. İsgəndəroğlu, V. Aktuz bir sıra millət vəkilləri ilə, o cümlədən Kocaelidən AKP-li millət vəkili Cəmil Yaman, Balıkəsirdən AKP-li millət vəkili Yavuz Subaşı, Kayseridən AKP-li millət vəkili, keçmiş Enerji naziri, millət vəkili Taner Yıldız, Hataydan AKP-li millət vəkili, keçmiş Mədəniyyət və turizm nazirinin müavini Hüseyin Yayman, İğdırdan millət vəkili MHP-li Yaşar Qaradağ, Bursadan sabiq Daxili işlər naziri, millət vəkili AKP-li Əfqan Ala və digərləri ilə önəmli görüşlər keçiriblər. Görüşdə Qarabağ həqiqətlərinin təbliği ilə bağlı, Türkiyədə ictimai rəyin daha ciddi şəkildə Qarabağ münaqişəsi ətrafında cəmləşdirilməsi, Azərbaycanla Türkiyə arasında ictimai-siyasi, rəsmi və qeyri-rəsmi səviyyədə əlaqələrin daha da gücləndiriləmsi istiqamətində söhbətlər olub, müzakirələr aparılıb, bir sıra əməkdaşlığa dair razılıqlar əldə olunubdur. Görüşlərdə Akif Nağı Qarabağ həqiqətləri ilə bağlı müxtəlif dillərdə hazlırlanmış kitabları millət vəkillərinə təqdim edib.

QAT sədri Akif Nağı deyib ki, səfərimiz çox uğurlu oldu: “Burada Qarabağ həqiqətlərinin çatıdırılması, düzgün ictimai rəyin formalaşdırılması istiqamətində bir sıra önəmli insanlarla görüşdük. “Dünya Azərbaycanlıları Platformu”nun rəhbəri Samir İsgəndəroğlu, həmin qurumun İdarə Heyətinin üzvü Vəfa Aktuz və digərləri ilə yaxından tanış olduq. Hesab edirəm ki, bu əməkdaşlıq yaxın vaxtlarda özünün müsbət nəticələrini verəcək”.

A. Nağı bildirib ki, Türkiyədə fəaliyyət göstərən soydaşlarımızla, onların rəhbərlik etdiyi qurumlarla bağlı əlaqələr də çox vacibdir: “Eyni zamanda biz Samir bəyin vasitəsi ilə parlamentdə bir çox önəmli görüşlər keçirdik. Millət vəkillərindən bizim mövqeyimizə, bizim yanaşmamıza çox xoş münasibət gördük. İstər AKP-li, istərsə MHP-li millət vəkilləri bizim mövqeyimizə diqqətlə yanaşdılar və onlardan bizim müraciətimiz, sözümüz, xahişimiz ondan ibarət oldu ki, daha tez-tez Qarabağ məsələsi ilə bağlı parlamentdə çıxışlar etsinlər, müxtəlif tədbirlər keçirsinlər, Azərbaycana və Türkiyəyə qarşılıqlı səfərlər təşkil olunsun və digər ictimai rəyə təsir edən addımlar atılsın. Dediyimiz təkliflərin hamısı müsbət qarşılandı. Ümid edirəm ki, doğurdan da bu səfərin yekunu olaraq işlərimizdə, yəni Qarabağ həqiqətlərinin təbliği ilə bağlı, Qarabağın işğaldan azad olunmasına öz payımızı vermək baxımından xeyli mühüm, vacib işlər üçün ciddi bir zəmin hazırlandı”.

QAT sədri diqqətə çatdırıb ki, Türkiyədə də Qarabağ naminə fədakarlıqla çalışan insanlar var: “Belə insanlar Azərbaycanda da, digər yerlərdə də var, amma pərakəndə fəaliyyət istədiyimiz nəticəni vermir. Ona görə də əsas nəticə, əsas yekun olaraq bu rəyi bildirə bilərik ki, güclərimizi qüvvələrimizi, fəaliyyətlərimizi birləşdirməliyik. Əgər birləşəriksə, hökmən ciddi nəticə alınar”.

Türkiyənin millət vəkilləri ilə Qarabağ problemi müzakirə olunubTürkiyənin millət vəkilləri ilə Qarabağ problemi müzakirə olunub

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}