BAXCP sədri: "DTX-nın Neftçaladakı əməliyyatını yüksək qiymətləndirirəm”
Tarix: 22-02-2020 00:22 | Bölmə: Siyasət
BAXCP sədri: "DTX-nın Neftçaladakı əməliyyatını yüksək qiymətləndirirəm”

"Dövlət Təhlükəsizliyi Xidmətinin peşəkarlıqla həyata keçirdiyi əməliyyatı yüksək qiymətləndirirəm”.

Reyting.az
xəbər verir ki, bunu Bütöv Azərbaycan Xalq Cəbhəsi Partiyasının (BAXCP) sədri, 36 saylı Xətai Seçki Dairəsindən yeni seçilmiş millət vəkili Qüdrət Həsənquliyev Dövlət Təhlükəsizliyi Xidmətinin (DTX) ötən gün Neftçala rayonunda vəzifəli şəxslərə qarşı keçirdiyi əməliyyatı Moderator.az-a şərh edərkən deyib.

Onun sözlərinə görə, mütəşəkkil cinayətkarlığa qarşı mübarizədə bu cür tədbirlər dövlət başçısının siyasi iradəsinin göstəricisi olmaqla qanunun aliliyinin və törədilən cinayətə görə cəzanın labüdlüyünün təmin olunmasına müsbət təsir göstərəcək.

BAXCP sədri qeyd edib ki, DTX-nın Neftçalada keçirdiyi əməliyyatdan hər bir vəzifəli şəxs nəticə çıxarmalıdır: “Amma bununla yanaşı məhkəmə-hüquq islahatları dərinləşdirilməli, güclü məhkəmə hakimiyyəti yaradılmalıdır. Yalnız inzibati yollarla bu istiqamətdə ciddi uğurlar əldə etmək mümkün olmayacaq. Müəllimlər, həkimlər, kiçik çinli məmurlar əmin olsalar ki, rüşvət verməyəcəkləri halda onlar qanunsuz olaraq işdən çıxarılarsa, məhkəmələrdə öz hüquqlarını müdafiə edə biləcəklər, o zaman heç kimi rüşvət verməyə məcbur etmək mümkün olmayacaq. Eyni zamanda büdcədən maliyyələşən işçilərə öz layiqli həyatlarını qurmağa bəs edəcək qədər maaş verilməlidir ki, qanunsuz yollarla pul qazanmağa can atmasınlar. Həmin maaşı vermək üçün isə iqtisadi islahatlar genişləndirilməlidir”.

Q. Həsənquliyev ölkəmizdə baş verənləri həyata keçirilən islahatların nəticəsi hesab edir və hər kəsi islahatlara dəstək verməyə çağırır.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}