00:44 / 01-06-2020
1 iyun uşaqların günüdür
Daha bir partiya Milli Şurada baş verənləri pislədi
Tarix: 17-05-2020 22:02 | Bölmə: Siyasət
Daha bir partiya Milli Şurada baş verənləri pislədi

“Özünü "Milli Şura" adlandıran, ancaq məlum xarici qüvvələrin təşəbbüsü ilə formalaşan, millilikdən uzaq olan bir qrupda toplaşan "siyasət tör-töküntüləri”nin videokonfrans adlandırdıqları, etikadan kənar ifadələrlə "bəzədilmiş" məzhəkəyə baxdım. Bir daha aydın oldu ki, demokratiyadan, insan haqlarından həmişə ağızdolusu danışan bu üzdəniraq "siyasətçilərin" əslində nə demokratiya, nə də insan haqları haqqında elementar təsəvvürləri belə yoxdur”.

Reyting.az
xəbər verir ki, bu fikirləri Təkamül Partiyasının sədri Teyyub Qənioğlu Milli Şuranın son qalmaqallı videkonfranslarını şərh edərkən bildirib.

T. Qənioğlu Milli Şura üzvlərinə xatırladıb ki, demokratiyanın bir sıra fundamental prinsipləri var. Onlardan da ən əsasları əks fikirliliyə hörmət, opponetlərinə münasibətdə etik davranış qaydalarına riayət etməkdir:

“Bu qrupun keçirdiyi videokonfrans boyu səsləndirilən "yaramaz gədə", "yaramazlar", "iki üzlü", "riyakar", "üzdəniraq", "rusvayçı", "Mən çox təəssüf edirəm ki, 41-45-də Hitler geyləri qırıb qurtarmadı...", - kimi ifadələr özünü "insan haqları uğrunda mübariz" elan edən siyasətçilərə yaraşarmı və belələrini siyasətçi adlandırmaq olarmı? Ən acınacaqlı hal odur ki, bu cür təfəkkürə sahib olan üzdəniraq "siyasətçilər" hakimiyyətə gəlmək istəyirlər!? Opponetlərini "bədbəxtlər", "bitmiş siyasətçi" adlandıranlar heç olmasa, gündə bir dəfə güzgüyə baxırlarmı? Bədbəxt, bitmiş siyasətçilər kimlərdir cənab Cəmi Həsənli və qadına yaraşmayan ifadələr işlədən Gültəkin xanım? Necə olur ki, siz Milli Məclisə "seçiləndə", sizə firavan həyat bəxş ediləndə bu iqtidar, onun prezidentləri möhtəşəm, hər şeyə qadir idilər, seçilməyəndə antidemokratik, insan haqlarını pozan olurlar? Məgər aydın deyil ki, sizin və sizin kimilərin "fəaliyyəti" ölkəmizdə azad, ədalətli, demokratik cəmiyyətin qurulmasına yox, revanş almağa hesablanıb?”

“Təkamül” sədri sual verir ki, videokonfransın xeyli hissəsinin mentalitetimizə təmamilə yad olan "qərbin bir nömrəli prioritet" saydığı, "həssas yanaşdığı", mövzulara, o cümlədən seksual azlıqların hüquqlarının qorunmasına həsr edilməsində məqsəd nə idi? Və ya aydın deyilmi ki, əsas məqsəd hesabat verdikləri, tapşırıqlarını canla-başla yerinə yetirdikləri xarici dairələrin tapşırığını yerinə yetirmək, onlara xoş gəlmək, eyni prinsipləri bölüşdüklərini nümayiş etdirməkdir?

T. Qənioğlu sonda qeyd edib ki, siyasət böyük elmdir, bura ağına-bozuna fikir vermədən "ağzına gələnləri danışanların", öz şəxsi, xəbis mənafelərini milli, dövlət mənafeyindən üstün tutanların, başqalarının əlində maşa rolunu oynayanların yeri deyildir.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}