23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Zaxarova: "Rusiya ilə Azərbaycan arasında strateji tərəfdaşlıq əlaqələri var"
Tarix: 21-05-2020 19:39 | Bölmə: Siyasət
Zaxarova: "Rusiya ilə Azərbaycan arasında strateji tərəfdaşlıq əlaqələri var"

“Rusiya ilə Azərbaycan dövlət sərhədinin Yaraq-Qazmalar və Samur buraxılış məntəqələrində may ayının ortalarında vətənə qayıtmaq istəyən 700-dən artıq Azərbaycan vətəndaşı yığılmışdı. Bu məsələ 18 may tarixində Rusiya ilə Azərbaycan prezidentləri arasındakı telefon söhbəti zamanı da hərtərəfli müzakirə olundu. Həmçinin hökumət başçıları, xarici işlər nazirləri səviyyəsində də silsilə təmaslar olub”.

Bu fikirləri keçirdiyi brifinqdə Rusiya Xarici İşlər Nazirliyinin sözçüsü Mariya Zaxarova dilə gətirib.

“Dağıstanda və Azərbaycanda olan mürəkkəb sanitar-epidemioloji şəraitə baxmayaraq, hər iki ölkə azərbaycanlılarının vətənə qaytarılması prosesini davam etdirməyi bacardılar. Prezidentlərin tapşırıqlarına uyğun olaraq, mayın 19-da Rusiya və Azərbaycan xarici işlər nazirləri bu istiqamətdə əməli addımları müzakirə edərək birgə addımları əlaqələndirməyin vacibliyini vurğuladılar. Elə həmin gün Azərbaycan vətəndaşlarından 120 nəfərlik bir qrup vətənə qayıtdı. Bu prosesin mərhələli şəkildə davam etdiriləcəyini güman edirik”, - deyən Rusiya rəsmisi hər iki tərəfin strateji tərəfdaşlıq tərzində hərəkət edərək həmvətənlərinin qaytarılması məsələsini yoluna qoymaq üçün əllərindən gələni əsirgəmədiklərini qeyd edib:

“Hökumətlərimiz, aidiyyəti idarələrimiz, yerli idarə orqanlarımız, səfirliklərimiz arasında yaxından əlaqələr var. Pandemiya dövründə Azərbaycanın milli hava yolları Risyadan vətənə 1 500-dək vətəndaşını qaytarıb. Həmçinin aprel ayında Azərbaycan vətəndaşlarından ibarət iki qrup Yaraq-Qazmalar və Samur buraxılış məntəqələrdən yerüstü vasitə ilə vətənə qayıdıb. Eyni məntəqələrdən 672 nəfər Rusiya vətəndaşından ibarət beş qrup da vətənə qaytarıldı. Mayın 18-də “Aeroflot”a məxsus təyyarə Bakıdan Moskvaya 140-dan artıq Rusiya vətəndaşını daşıdı”/Report.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}