Partiya sədri: “Paşinyanın Qərb ölkələri və Rusiya arasında manevrlər etməsi mümkün olmayacaq”
Tarix: 31-07-2020 16:38 | Bölmə: Siyasət
Partiya sədri: “Paşinyanın Qərb ölkələri və Rusiya arasında manevrlər etməsi mümkün olmayacaq”

Nikol Paşinyan hökuməti həm daxili, həm də xarici siyasətdə ciddi səhvlərə yol verib. Əslində bir müddət əvvəl Ermənistanda hakimiyyət böhranının yaranması məhz bu səhvlərin nəticəsi olaraq ortaya çıxmışdı və bu proses hazırda da davam edir.

Bu fikirləri Reyting.az-a Aydınlar Partiyasının sədri Qulamhüseyn Əlibəyli deyib.

Partiya sədri hesab edir ki, Ermənistanın Tovuz rayonuna təxribat xarakterli hücumunun bir səbəbi də, əslində, Paşinyan hökumətinin daxildə qarşılaşdığı böhran irəli gəlib:

“Ötən gün Prezident İlham Əliyev bəyan etdi ki, Ermənistan Soros Fondunun təsiri altındadır. Doğrusu, mənim bu barədə məlumatım yoxdur, amma Prezident belə bəyanatı təsadüfən verməz. Ola bilsin ki, müəyyən məlumatlara əsaslanaraq bu fikir ifadə edilir. Əslində görünən odur ki, Ermənistanın indiki hakimiyyəti ölkəni sərbəst şəkildə idarə etmir. Ölkə kənardan idarə olunur. Ola bilsin ki, Soros Fondunun, habelə Rusiyanın təsiri altında düşə bilər”.

Müsahibimizin qənaətincə, əslində Nikol Paşinyan iyulun 12-də Tovuz rayonu istiqamətində təxribat törətməklə bir növ özünü Rusiyadan asılı vəziyyətə gətirib: “Fikrimcə, bu cür güman etmək olar. Paşinyan vaxtaşırı Qərb ölkələri və Rusiya arasında siyasi manevrlər etməyə çalışırdı. Amma son addımları onun belə bir manevr etməsinə imkan vermir. Rusiya Tovuz olayları zamanı birmənalı olaraq Ermənistanı müdafiə etmədi. Hətta Kollektiv Təhlükəsizlik Müqaviləsi Təşkilatının toplantısı çağırılsa da, sonradan iclas təxirə salındı. Yəqin Rusiya özü hadisələr zamanı tam gözləmə mövqeyi tutdu. Ola bilsin ki, bu da Ermənistanı cəzalandırmaq və özünə yaxınlaşdırmaq niyyətindən doğurdu”.
скачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}