Deputat: “Tofiq Yaqublu və mənsub olduğu düşərgə iqtidarla normal əməkdaşlıq münasibətləri qurmalıdır”
Tarix: 19-09-2020 00:09 | Bölmə: Siyasət
Deputat: “Tofiq Yaqublu və mənsub olduğu düşərgə iqtidarla normal əməkdaşlıq münasibətləri qurmalıdır”

“İqtidarın Tofiq Yaqublunun səhhətini nəzərə alması və xalqdan gələn səslərə qulaq asması təqdirəlayiqdir və gələcəyə ümidlə baxmağa imkan verir”.

Reyting.az
xəbər verir ki, bu sözləri Bütöv Azərbaycan Xalq Cəbhəsi Partiyasının (BAXCP) sədri, deputat Qüdrət Həsənquliyev partiyanın mətbuat xidmətinə müsahibəsində deyib.

Müsavat Partiyasının həbsdə olan və aclıq aksiyası keçirən fəalının azadlığa buraxılmasını yüksək qiymətləndirən BAXCP sədri diqqətə çatdırıb ki, əgər Tofiq Yaqublu həbsxanada həyatını itirsəydi, onun ölümü Azərbaycanda heç nəyi yaxşıya doğru dəyişdirməyəcəkdi, sadəcə, yaxınlarına növbəti acılar yaşadacaqdı: “Həm də imkan verəcəkdi ki, beynəlxalq arenada dövlətimizi tamamilə gözdən salan, Qarabağın azad olunmasını daha da çətinləşdirən böyük bir antipiar kampaniyası başladılsın. Onun ölümü daha yaxşı cəmiyyət uğrunda mübarizə aparan və buna inanan çoxlu sayda insanı ruhdan salacaq, bir qismini isə ekstremizmə yuvarladacaqdı. Marığa durmuş “Beşinci kolon”un himayədarları da böyük ümidlə gözləyirdilər ki, nəsə baş versin və onlar Azərbaycana sanksiyalar tətbiq etsinlər. Daxilimizdə bunu gözləyənlər isə başa düşmürlər ki, bu sanksiyalar demokratiyanın inkişafına təkan vermək üçün yox, Azərbaycanı zəiflətmək üçün tətbiq oluna bilərdi”.

Q. Həsənquliyevin fikrincə, Qərb başa düşür ki, işğal olunmuş torpaqlarda məskunlaşdırmanı başa çatdırmaq üçün Ermənistana zaman lazımdır: “İndi torpaqlarımızı azad etməyə risk etmiriksə, sanksiyalar altında olan Azərbaycanın bunu etməsi mümkünsüz olacaqdı. Mən bir daha vurğulayıram ki, Qərbin və Ermənistanın digər müttəfiqlərinin Azərbaycanda əsas məqsədi Qarabağın işğalını rəsmiləşdirmək üçün Azərbaycanı Türkmənistana çevirməkdir”.

Q. Həsənquliyev deyib ki, T. Yaqublu və mənsub olduğu düşərgə özlərində güc tapıb, əgər bacara bilərlərsə, xarici təsirlərdən qurtulmalı, söyüş kampaniyasını durdurmalı, iqtidarın dialoq təklifini qəbul edib, heç bir şərtsiz dialoqa başlamalı, onunla normal əməkdaşlıq münasibətləri qurmalıdır. “Kimsə sadəlövhcəsinə düşünməməlidir ki, ölümü ilə Qərb standartlarına uyğun cəmiyyət quruculuğuna töhfə verə bilər. Bunun üçün ilk növbədə söyüşçü yox, Qərb standartlarına uyğun cəmiyyət qurmağa və onu qorumağa hazır olan insanlar y etişdirməliyik”, - Q. Həsənqluliyev əlavə edib.

Onu da qeyd edək ki, T. Yaqublunun azad olunmasını Azərbaycan Prezidentindən xahiş edənlərdən biri də Q. Həsənquliyev idi.




Bölməyə aid digər xəbərlər
bütün xəbərlər
{sape_links}{sape_article}