Ermənistanda yenidən ara qarışıb: Zəngəzurda həbslər, Yerevanda etiraz aksiyası başlayıb - Video
Tarix: 22-04-2021 15:18 | Bölmə: Siyasət
Ermənistanda yenidən ara qarışıb: Zəngəzurda həbslər, Yerevanda etiraz aksiyası başlayıb

Ermənistan İstintaq Komitəsinin qarşısında etiraz aksiyası başlayıb.

Reyting.az
bildirir ki, bu barədə erməni saytları məlumat yayıb.

Əlavə məlumat verilməsə də, ehtimal olunur ki, etirazlar dünən Baş nazir Nikol Paşinyanın Sünikə (Zəngəzur) səfəri zamanı yaranan insidentlə əlaqəlidir.

Qeyd edək ki, N. Paşinyanın bölgəyə səfəri zamanı öncədən ona qarşı etiraz aksiyası hazırlanıb. Aksiya daha qabarıq formada özünü Qafan, Mehri və Gorus şəhərlərində göstərib.

Mehri rayonunda Baş naziri aparan kortejə hücum cəhdi də olub.

Hadisədən dərhal sonra Ermənistanın xüsusi xidmət orqanı həbslərə başlayıb.

Ermənistan mətbuatı yazır ki, Sünik bölgəsinin Mehri şəhərinin bələdiyyə sədri Mxitar Zaxaryanı polis bölməsinə aparılıb. Məlum olub ki, sonradan bələdiyyə sədrini Qafan şəhərinə, oaradan isə Yerevana aparıblar.

Gorus şəhər bələdiyyə sədrinin müavini Menua Hovsepyan da dünən gecə yoxa çıxıb. Onun da polis tərəfindən saxlanıldığı bildirilir. Məlumatı bələdiyyə sədrinin digər müavini İrina Yolyan təsdiq edib. İ. Yolyan deyib ki, M. Hovsepyanın Sünikdə olduğu və ya Yerevana aparılması barədə onlarda dəqiq məlumat yoxdur.

Sünikin keçmiş qubernatoru Vaqe Akopyan isə bildirib ki, onda olan məlumata görə, bölgədə azı 20 nəfər həbs edilib.

O da bəlli olub ki, Qafan şəhərinin bələdiyyə sədri Gevork Parsayana qarşı cinayət işi açılıb. Bələdiyyə sədri, Baş nazir Paşinyanın bölgəyə səfəri zamanı ona qarşı etirazların təşkilində ittiham olunur.

Ehtimal olunur ki, indi Yerevanda İstintaq Komitəsinin binası önündə keçirilən aksiya da bu məsələlərlə əlaqədardır.

Xatırladaq ki, Paşinyan onun fəaliyyətinə maneə olan şəxslərlə bağlı ölçü götürülməsini tələb etmişdi.



Reyting.az




Bölməyə aid digər xəbərlər
bütün xəbərlər
{sape_links}{sape_article}