27 dövlətin naziri Rusiya məsələsinə görə Brüsselə gəlib
Tarix: 10-05-2021 16:01 | Bölmə: Siyasət
27 dövlətin naziri Rusiya məsələsinə görə Brüsselə gəlib

Avropa Birliyinin (AB) xarici işlər nazirləri Brüsseldə toplaşaraq bir sıra məsələləri müzakirə ediblər.

Reyting.az
xarici KİV-lərə istinadla xəbər verir ki, 27 dövlətin xarici işlər nazirləri Fələstində təxirə salınan seçkilər, Qərbi Balkanlar və Rusiyanın davranışlarını müakirəyə çıxarıblar.

AB-nin xarici işlər nazirlərinin gündəmində Fələstində 22 mayda nəzərdə tutulan seçkilərin İsrailin işğal altındakı Şərqi Qüdsə hücum səbəbindən baş tutmaması da var.

AB-nin Xarici Əlaqələr və Təhlükəsizlik Siyasəti üzrə ali təmsilçisi Josef Borrell toplantıdan əvvəl bəyan edib ki, Fələstində seçkiləri dəstəkləyirlər və bu məsələ 27 dövlətin xarici işlər nazirləri tərəfindən xüsusi müzakirə mövzusudur.

Digər əhəmiyyətli məsələ kimi Qərbi Balkanlardakı məsələdir. Borrell Qərbi Balkanlarda durumu qiymətləndirdikdən sonra bu regionla əlaqələrin daha da sıxlaşdırılması və əməkdaşlığın ola biləcəyini deyib.

Rusiya mövzusunun gündəmin ana məsələsi olduğunu bəyan edən AB-nin Xarici Əlaqələr və Təhlükəsizlik Siyasəti üzrə ali təmsilçisi Rusiya-AB əlaqələrinin normallaşma mərhələsində olmadığını diqqətə çatdırıb.

Qeyd edək ki, Avropa Birliyi Rusiyanın Ukrayna səhədləri boyunca və Krıma 10 minlərlə hərbçi cəmləşdirməsini sərt şəkildə tənqid edib. Rusiyanın müxalifət lideri Aleksey Navalnının həbsi və 7 il əvvəl Çexiyadakı silah anbarındakı partlayışda Rusiyanın rolunun olmasından sonra ortaya çıxan diplomatik böhranda Kremlin davranışları da sərt tənqid olunub.

Hazırda Rusiya və Avropa Birliyi həm də bir-birinə qarşı sərt sanksiyalar tətbiq edirlər. Bu gün AB xarici işlər nazirlərinin keçiriləcək toplantısında Rusiyaya qarşı hansı istiqamətdə sanksiyaların tətbiq edilib-edilməyəcəyinə dair məlumat yoxdur.

Maraqlıdır ki, AB xarici işlər nazirlərinin toplantısına ABŞ-ın sabiq dövlət katibi, hazırda ABŞ-ın iqlim dəyişiklikləri və ətraf mühit məsələləri üzrə xüsusi nümayəndəsi Con Kerrinin də qatılacağı gözlənilir. Ehtimal olunur ki, Con Kerri əsasən Tramp hökumətindən sonra ABŞ-AB arasında iqlim münasibətlərində hansı addımların atılmasına dair təkliflərini səsləndirəcək.

Nəhayət Avropa Birliyinin xarici işlər nazirlərinin bugünkü toplantısında Liviyadakı durum, İran nüvə razılaşmasına ABŞ-ın qayıtmasına dair Vrana görüşləri, ABŞ-ın və NATO-nun Əfqanıstandan çıxmasından sonrakı vəziyyət və AB-Afrika münasibətləri müzakirə ediləcək.

Bununla da Avropa Birliyi hazıda dünyanın gündəm mövzusuna çevrilən əsas istiqamətlərdə özünün mövqeyini və yanaşma tərzini ortaya qoyacaq.

Reyting.az




Bölməyə aid digər xəbərlər
bütün xəbərlər
{sape_links}{sape_article}