Ruslar Ukraynanın şəhərlərini yenidən bombalayır - Foto
Tarix: 20-09-2022 12:44 | Bölmə: Siyasət
Ruslar Ukraynanın şəhərlərini yenidən bombalayır

Rusiya ordusu Ukraynanın şəhərlərini hava və artilleriya sistemləri ilə yenidən bombalamağa başlayıb. Ukrayna Silahlı Qüvvələrinin Baş Qərargahı Rusiyanın hava zərbələrini təsdiqləyərək bildirib ki, belə təhlükə davam edə bilər.

Reyting.az
xəbər verir ki, rus ordusu Xarkova hava zərbələri endirib. Əsas hədəf Xarkovdakı infrastruktur obyektləri olub.

Xarkov vilayət hərbi administrasiyasının rəhbəri Oleq Sinequbov deyib ki, düşmən bu gecə saat 01:30 radələrində Çuqev rayonundakı infrastruktur obyektinə raket zərbəsi endirib.

Sinequbovun sözlərinə görə, son sutka ərzində düşmən Xarkov vilayətinin Rusiya Federasiyası ilə sərhəddə yerləşən yaşayış məntəqələrini və Xarkov, Kupyan, Derqaçev və İzyum rayonlarının təmas xəttini atəşə tutmaqda davam edib.

Təcili Tibbi Yardım Mərkəzinin məlumatına görə, son 24 saat ərzində Kupyan rayonunda 3 nəfər, Xarkov rayonunda isə 2 nəfər mina partlaması nəticəsində yaralanıb.

Baxmut şəhəri də rus ordusunun hava hücumuna məruz qalıb. Donetsk vilayət hərbi administrasiyasının rəhbəri Pavel Kirilenko bildirib ki, ruslar gecə saatlarında Donetsk və Horlovski istiqamətlərində atəşi davam etdiriblər.

“Gecə saat bir radələrində düşmən Baxmuta hava zərbəsi endirib - onlar çoxmərtəbəli binanı vurublar. Evin 3 girişi uçub. Dağıntılar altında iki nəfər ola bilər. Hazırda xilasedicilər hadisə yerində işləyir. Həmçinin, ötən gecə icmanın ərazisindəki Xromovo atəşə tutulub - bir nəfər yaralanıb”, - Kirilenko bildirib.



O, sakinlərə müraciətində deyib ki, Donetskdə bir dənə də olsun təhlükəsiz yer qalmayıb, özünüzün və yaxınlarınızın həyatını xilas edin!

Ruslar Dnepropetrovski vilayətinə də artilleriya zərbələri endirib. Əsas hədəf Nikopol rayonunun ərazi olub. Hücum zamanı mindən çox mərmi atılıb. Dnepropetrovsk vilayət hərbi administrasiyasının rəhbəri Valentin Reznıçenko diqqətə çatdırıb ki, ruslar bütün gecəni atəşə tutmaqla Nikopol vilayətində terror həyata keçiriblər.

Məlumata görə, ruslar “Qrat” və ağır artilleriya ilə üç icmanı - Nikopol, Marqanets və Krasnoqriqorovu dağıdırlar. Şəhər və kəndlərə 100-dən çox mərmi atılıb.

Melitopolda isə iki güclü partlayış baş verib. Qeyd edək ki, bu şəhərə hazırda ruslar nəzarət edir. Şəhərtin meri İvan Fedorov deyib ki, ruslar Melitopolda nəzarətsiz şəkildə atəş açır. Şəhərdə iki güclü partlayış səsi eşidilib.

Onu da qeyd edək ki, Rusiya və Ukrayna arasında müharibə fevralın 24-dən başlayıb. Hazırda Ukrayna ordusu bir sıra istiqamətlərdə əks-hücuma keçib və bəzi əraziləri azad edib.

Reyting.az




Bölməyə aid digər xəbərlər
{sape_links}{sape_article}