23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Ruslar kütləvi şəkildə Rusiyanı tərk edir - Təyyarəyə bilet tapılmır, ölkədə etirazlar başlayıb
Tarix: 22-09-2022 11:44 | Bölmə: Siyasət
Ruslar kütləvi şəkildə Rusiyanı tərk edir - Təyyarəyə bilet tapılmır, ölkədə etirazlar başlayıb

Prezident Vladimir Putinin qismən səfərbərlik elan etməsi və dərhal 300 min ehtiyat əsgərin xidmətə çağırılacağı haqqında açıqlama verilməsi Rusiyada narahatlığa səbəb olub. Çərşənbə axşamı televiziya ilə xalqa müraciət edəcəyi bildirilən, lakin son anda çıxışı ləğv edilən Putin çərşənbə günü səhər ekrana çıxıb.

Reyting.az
xəbər verir ki, Rusiya lideri aylardır müqavimət göstərdiyi səfərbərlik elanını nüvə silahından istifadə ehtimalına işarə edərək açıqlayıb. Televiziya vasitəsilə canlı yayımlanan çıxış Rusiyanın ən ucqar guşələrində belə bir neçə dəqiqə ərzində əks-səda doğurub.

Səfərbərlik elanından sonra Rusiyadan birtərəfli aviareyslərə bilətlərin qiymətləri dərhal bahalaşıb və bilet tapmaq problemə çevrilib.

Rusiyanın “Aqora” insan haqları qrupuna çərşənbə axşamı səhər saatlarında əsgərlərin “qanuni hüquqları” ilə bağlı məlumat almaq üçün 6000-dən çox zəng daxil olub.

Sankt-Peterburqda yaşayan Matvey deyir:

“Mən ümid edirdim ki, bu, heç vaxt baş verməyəcək. İndi çox aydındır ki, Putin geri çəkilməyəcək və sonuncu Rusiya vətəndaşı qalana qədər müharibəni davam etdirəcək”.

“Rusiyanı necə tərk etməli?” sualı qısa müddətdə “Google”nin ən çox axtarılanlar siyahısına düşüb və sərhəd keçidlərində uzun növbələrin fotoları sosial mediada paylaşılıb.

“Google” axtarışlarını təsnif edən “Google Trends” məlumatları da Rusiyanın ən məşhur uçuş sifariş saytı olan “Aviasales”də saatlar ərzində axtarışların əhəmiyyətli dərəcədə artdığını göstərib.



“Aviasales”in məlumatına görə, çərşənbə günü Moskvadan İstanbula və Ermənistanın paytaxtı İrəvana biletlər satılıb. Türk Hava Yollarının Moskvadan İstanbula bütün reysləri ya dolu olub, ya da bazar gününə qədər bilet tapmaq mümkün olmayıb. Qeyd edək ki, Rusiya vətəndaşları Türkiyə və Ermənistana vizasız daxil ola bilirlər.

Bəzi birləşdirən marşrutlar, məsələn, Moskvadan Gürcüstanın paytaxtı Tbilisiyə uçuşlar mümkün olmasa da, Dubaya ən ucuz uçuşların qiyməti 5000 dolları keçib. Bu, orta aylıq əmək haqqının təxminən beş qatı olan 300 min rubl təşkil edir.

ABŞ mediası isə çərşənbə günü axşam saatlarında İstanbul və Dubaya birtərəfli biletlərin qiymətlərinin 9100 dolları keçdiyini açıqlayıb.

“Google Flights”in məlumatlarına görə, bir həftə əvvəl 22 min rubldan bir qədər çox olan Türkiyəyə birtərəfli təyyarə biletləri təxminən 70 min rubla (1150 dollar) yüksəlib.

Rusiyadan qaçmaq istəyənlər təyyarə biletləri üçün böyük növbələr yaradıb, qismən səfərbərlik elanına qarşı çıxanlar isə çərşənbə günü axşam küçələrə axışıb. Hakimiyyət nümayişlərdə iştirak edənlərin 15 ilə qədər həbs oluna biləcəyi barədə xəbərdarlıq etsə də, bu, etiraz dalğasının səngiməsinə təsir göstərməyib.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}