16:46 / 19-04-2024
İlham Əliyev Rusiyaya gedir
Azərbaycan İrana nota verib
Tarix: 03-12-2022 18:37 | Bölmə: Siyasət
Azərbaycan İrana nota verib

Azərbaycan Xarici İşlər Nazirliyi (XİN) son günlərdə 14 nəfər İran İslam Respublikası vətəndaşının qanunla müəyyən edilmiş sərhəd-keçid məntəqələrindən kənar Rusiya sülhməramlı kontingentinin müvəqqəti yerləşdiyi Azərbaycan Respublikası ərazisinə daxil olması məsələsinə münasibət bildirib.

Reyting.az
-ın məlumatına görə, XİN-nin Mətbuat xidməti idarəsinin rəisi Ayxan Hacızadə deyib ki, Azərbaycan Respublikasının ərazilərinə hər hansı bir xarici səfər Azərbaycan Respublikasının milli qanunvericiliyi çərçivəsində müəyyən edilmiş qaydalara, suverenlik və ərazi bütövlüyü prinsiplərinə riayət etməklə həyata keçirilməlidir.

Onun sözlərinə görə, İran İslam Respublikası vətəndaşlarının ərazilərimizə qanunsuz keçidi ilə bağlı yayılmış xəbərlərə gəldikdə, məlumata aydınlıq gətirilməsi məqsədilə İran İslam Respublikasının Azərbaycan Respublikasındakı Səfirliyinə müvafiq nota göndərilib və məsələ ilə bağlı qarşı tərəfdən cavab gözləyirlər.

Qeyd edək ki, son günlər müxtəlif KİV-lərdə 14 nəfər İran İslam Respublikası vətəndaşının qanunla müəyyən edilmiş sərhəd-keçid məntəqələrindən kənar Rusiya sülhməramlı kontingentinin müvəqqəti yerləşdiyi Azərbaycan Respublikası ərazisinə daxil olduğu barədə xəbərlər yayılıb.




Bölməyə aid digər xəbərlər
{sape_links}{sape_article}