Putindən nüvə mesajı...
Tarix: 23-03-2023 12:32 | Bölmə: Siyasət
Putindən nüvə mesajı...

Rusiya prezidenti Vladimir Putin Qərbi Ukraynanı nüvə silahı ilə təmin etməkdə ittiham edib. Reyting.az xəbər verir ki, Putin əsasən London nəzərdə tutub.

Rusiya prezidenti bildirib ki, döyüş sursatları Britaniya tərəfindən tədarük edilərsə, Rusiya buna cavab verməli olacaq.

Xatırladaq ki, Britaniya Kiyevə "Challenger 2" tankları ilə birlikdə tərkibində tükənmiş uran olan zirehli deşici artilleriya mərmilərinin veriləcəyini də təsdiqləyib.

Onu da qeyd edək ki, ötən axşam Rusiya tərəfi 40-a yaxın “Şehid” tipli pilotsuz uçuş aparatı ilə Ukrayna ərazisinə 4 saat ərzində zərbə endirib. Başda paytaxt Kiyev olmaqla 5 şəhər hücumdan zərər çəkib. İlkin məlumata görə, hücum nəticəsində 3 nəfər həyatını itirib, 7 mülki şəxs yaralanıb.

Ukrayna Rusiyanın Krımda yerləşən Sevastopol hərbi dəniz bazasına hücum edib. Rusiya Müdafiə Nazirliyinin məlumatına görə, 3 pilotsuz dəniz gəmisi Sevastopol körfəzinə daxil olmağa cəhd edib.

ELÇİN




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}