17:38 / 28-03-2024
Əməkdar artist vəfat edib
Partizanlar Rusiya ərazisinə hücum edib, iki kənddə döyüşlər başlayıb
Tarix: 27-05-2023 16:44 | Bölmə: Siyasət
Partizanlar Rusiya ərazisinə hücum edib, iki kənddə döyüşlər başlayıb

“Ukrayna-Rusiya arasında sərhədyanı Brovniçi kəndi yaxınlığında “Ukrayna diversantları” ilə döyüşlər gedir. Ukrayna ilə həmsərhəd olan Bryansk vilayətində Rusiya Federasiyası yenidən narahatdır. Bölgə dronların hücumuna məruz qalıb”.

Reyting.az
xəbər verir ki, bu barədə yerli “112” Telegram kanalı məlumat yayıb.

“Bryansk vilayətinin Brovniçi-Suşanı yolunda Rusiya Müdafiə Nazirliyinin “Niva” markalı avtomobilinə kamikadze dron tərəfindən hücum edilib. İki hərbçi həlak olub”, - telekanal bildirib və əlavə edib ki, hadisə yerində təcili tibbi xidmətlər işləyir.

Zədələnmiş “Niva”nın fotosu yayılıb. İddia olunur ki, diversantlar Bryansk vilayətinə soxulmağa çalışır, çünki yerli sakinlərdən zirzəmilərdə gizlənmələri tələb olunub və bütün xidmətlərə xəbərdarlıq edilib. “Novosti Bryansk” kanalı isə bildirir ki, Brovniçi kəndi yaxınlığında “Ukraynalı diversantlarla” döyüşlər davam edir.

“Ukrayna DRQ Bryansk vilayətinin Suşanı kəndinə soxulmağa cəhd edib. Brovniçi kəndi yaxınlığında da sərhədi yarmağa cəhd edirlər, hazırda döyüşlər gedir. Mülki sakinlər zirzəmilərdə gizlənir. Küçədə atəş səsləri eşidilir”, - məlumatda deyilir.



Qeyd edək ki, bu yaşayış məntəqələri Ukrayna sərhədindən bir neçə yüz metr aralıda yerləşir.

Ukrayna tərəfində döyüşən rus könüllüləri Rusiya Federasiyasının sərhədindən sərhədyanı bölgələrdə, xüsusən Bryansk və Belqorodda getdikcə daha çox irəliləyişlər edir. Aprel ayında Rusiya Könüllülər Korpusunun döyüşçüləri Bryansk vilayətinə daxil olaraq yerli sakinlərlə əlaqə saxlaya biliblər. Mayın 22-də RDK döyüşçüləri Bryansk vilayətindəki yaşayış məntəqələrinə yeni basqınlar ediblər. Bu həftə Sevski, Suzemski, Trubçevski və Klimovski rayonlarının təhlükəsizliyini gücləndirmək üçün Rusiyanın Bryansk vilayətinə təhlükəsizlik işçiləri toplanıb.

Y. QACAR




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}