İran hədəfdə: köhnə sanksiyalar yenilənir
Tarix: 15-09-2023 00:17 | Bölmə: Slayd
İran hədəfdə: köhnə sanksiyalar yenilənir

Britaniya, Fransa və Almaniyadan olan nümayəndələr cümə axşamı BMT-nin İrana qarşı bir sıra sanksiyalarını milli qanunlara daxil etmək barədə razılığa gəliblər. Reyting.az xəbər verir ki, bu barədə üç dövlətin xarici işlər nazirliklərinin birgə bəyanatında bildirilir.

Məlumata görə, bu dövlətlərin İrana qarşı bir sıra sanksiyaları milli qanunlara daxil etməsi onların oktyabr ayından sonra da avtomatik olaraq qüvvədə qalmasına imkan verir.

Xatırladaq ki, 2015-ci ildə Böyük Britaniya, Almaniya, Fransa, ABŞ, Çin və Rusiyanın iştirakı ilə bağlanmış İran nüvə sazişinin müddəalarına uyğun olaraq, 2023-cü il oktyabrın 18-dək BMT İranın fiziki və hüquqi şəxslərinə qarşı sanksiyalar tətbiq edib.

Üç Avropa dövləti isə hələ də sazişdən çıxmayıb (2018-ci ildə belə bir addım ataraq Tehranı şərtlərini pozmaqda ittiham edən ABŞ-dan fərqli olaraq).

Onlar xatırladıblar ki, hələ 2020-ci ilin yanvarında İran tərəfindən pozuntuların aradan qaldırılması üçün sazişdə nəzərdə tutulan mübahisələrin həlli mexanizminin təşəbbüskarı olublar. Amma İran bu illər ərzində dialoqda iştirakdan imtina edib. Üstəlik, Tehran 18 dəfədən çox zənginləşdirilmiş uran ehtiyatı toplayıb və ondan istifadə etmək üçün geniş nüvə obyektləri şəbəkəsi tikib.

Buna görə də London, Berlin və Paris hesab edir ki, onların birtərəfli hərəkətləri nə İranın nüvə sazişinə, nə də beynəlxalq hüquqa ziddir.

Qeyd edək ki, İranın 2015-ci ilin iyulunda İngiltərə, Çin, Almaniya, Rusiya, ABŞ və Fransa ilə bağladığı nüvə sazişinin mahiyyəti Tehranın nüvə proqramını məhdudlaşdırmaq, onun nüvə proqramı yaratmaq üçün material əldə etməsini çətinləşdirmək olub.

E. KAMAL




Bölməyə aid digər xəbərlər
{sape_links}{sape_article}