14:50 / 28-02-2024
Lavrov Türkiyəyə gedir
Ekspert: “Ermənistanın təxribatına sərt cavab veriləcək”
Tarix: 02-12-2023 20:18 | Bölmə: Slayd
Ekspert: “Ermənistanın təxribatına sərt cavab veriləcək”

“Əgər söhbət Azərbaycan ilə Ermənistan arasında hərbi qarşıdurmadan, gərginlikdən gedirsə, indiki mərhələdə ciddi heç nə gözləmirəm. Amma 2020-ci ilin müharibəsi, eləcə də bu ilin sentyabrın 20-də aparılan antiterror əməliyyatı göstərdi ki, bəzən bizim gözləmədiyimiz hadisələr də ola bilər. Lakin aydındır ki, bu gün Azərbaycana nəsə etməyə ehtiyac yoxdur. Azərbaycan Ordusu lazım olan əraziləri götürüb, orada möhkəmlənir, ərazilərdə yenidənqurma və bərpa işləri həyata keçirir. Eləcə də işğaldan azad edilmiş rayonlara qayıdışı müşahidə edirik. Yəni indiki halda Azərbaycana müharibə lazım deyil. Ermənistanın isə müharibəyə başlamaq imkanı yoxdur”.

Bunu Reyting.az-a hərbi ekspert Azad İsazadə deyib.

A. İsazadə qeyd edib ki, Ermənistan hər hansı bir qrşıdurma, silahlı gərginlik yaratmaq istəsə, Azərbaycan Ordusu ona daha sərt cavab verəcək: “Burada incə bir məqam var. Ermənistan görsə ki, Qərbin Azərbaycana təzyiqləri azalıb, bu zaman təxribat törədə bilərlər. Sözsüz ki, təxribata güclü cavab veriləcək, ermənilər isə deyəcəklər ki, gördünüz, biz deyirdik ki, Azərbaycan müharibəyə hazırlaşır və s. Belə təxribatların olmasını istisna etmirəm”.

A. İsazadənin sözlərinə görə, İrəvanda bilirlər ki, onların hər bir təxribatına Azərbaycan sərt cavab verir, bəzən bu, hansısa ərazinin vizual və ya real nəzarətə götürməsi ilə nəticələnir. Bu zaman Qərbin və dünyanın reaksiyası vəziyyəti dəyişmir. Odur ki, Ermənistan indi daha ehtiyatlı olmalıdır.

Müsahibimiz əlavə edib ki, bu ilin sonuna qədər Azərbaycan və Ermənistan arasında sülh sazişinin imzalanmasını gözləmir: “Ermənistan tərəfindən sülhün 15 gün müddətinə aparılan müzakirələr nəticəsində əldə edilməsinin mümkünlüyü bildirilir. Amma buna inamım azdır. Bu il hansısa bir sənədə imza atıla bilər, amma davamlı və son sənədin 2024-cü ildə imzalanacağını gözləyirəm”.

Y. QACAR




Bölməyə aid digər xəbərlər
{sape_links}{sape_article}