00:14 / 27-02-2024
Bu gün Su çərşənbəsidir
15:27 / 26-02-2024
SOCAR-da yeni təyinat olub 
Rəsmi Bakı problemin həllinə nail olub - Professor
Tarix: 07-12-2023 18:30 | Bölmə: Slayd
Rəsmi Bakı problemin həllinə nail olub

“ABŞ-Azərbaycan münasibətləri müsbət məcraya düşməli idi. Şəxsən mən başqa ssenari gözləmirdim. Bəli, Azərbaycan öz suverenliyini, ərazi bütövlüyünü təmin edib, qalib dövlətdir. Üstəlik, regionda yeni reallıqlar yaradıb, uzunmüddətli sülh üçün ciddi fəallıq nümayiş etdirir. Bu mənada onun maraqları hökmən nəzərə alınmalıdır”.

Bunu Reyting.az-a professor Qabil Hüseynli ABŞ dövlət katibinin Avropa və Avrasiya məsələləri üzrə köməkçisi Ceyms O’Braynın Bakı səfərinin nəticələrini şərh edərkən deyib.

Onun sözlərinə görə, əslində, Vaşinqton-Bakı münasibətlərində yaranan gərginlik nə Azərbaycanın, nə də Amerikanın maraqlarına uyğun olmayıb.

Sabiq dövlət müşaviri bildirib ki, ABŞ Azərbaycanla gərgin münasibətlərin onun xeyrinə olmadığını nəzərə alaraq müəyyən addımlar atıb, Bakı ilə müzakirələr aparıb. “Digər tərəfdən, nəzərə almaq lazımdır ki, Azərbaycan Cənubi Qafqazın həm super dövlətidir, həm də bu regionun karbohidrogen ehtiyatlarının olduğu əsas ölkədir. Cənubi Qafqazla maraqlanan ölkə bu mənada Azərbaycanla danışmasa, onun mövqeyini qəbul etməsə, bu bölgədə ciddi uğur qazana bilməz. Həmçinin Azərbaycan Orta Asiyanın qapısıdır, qardaş ölkələrlə geniş və tarixi əlaqələrə malikdir”, - deyə Q. Hüseynli əlavə edib ki, Amerika tərəfi bu reallıqları və həm də Azərbaycanın prinsipiallığını nəzərə almaqla Bakı ilə münasibətləri qaydaya salmaq yolunu seçib. Onun sözlərinə görə, burada Azərbaycan tərəfinin dirənişini, milli maraqları qorumasını və doğru siyasət aparmasını xüsusilə qeyd etmək lazımdır.

Professorun fikrincə, Azərbaycan-Amerika münasibətlərinin gərginləşməsində ABŞ Konqres maraqlı olub: “Əslində, gərginliyi Konqres yaratmışdı. Bəli, Ceyms O’Braynın da bu məsələdə müəyyən suçu var. Çünki dinləmələr zamanı az qala Azərbaycana hədə gəlirdilər. Ancaq indi O’Brayn bir diplomat kimi Vaşinqtonun dediyini icra edir, yəni münasibətləri qaydaya salmağa çalışır”.

Azərbaycan rəsmilərinin də ABŞ-a səfərinin bərpa olunduğunu qeyd edən Q. Hüseynli diqqətə çatdırıb ki, bu səfərlər ikitərəfli münasibətlərin müsbət məcrada davam etdirilməsi üçün vacibdir. Yəni bununla ABŞ-Azərbaycan əlaqələri əvvəlki səviyyəsinə qayıdacaq. Vaşinqton isə bundan sonrakı xarici siyasətində Bakının maraqlarını nəzərə almalıdır.

Y. QACAR




Bölməyə aid digər xəbərlər
{sape_links}{sape_article}