18:09 / 11-04-2024
Bakıda qətl törədilib
Hakan Fidan NATO qarşısında üç əsas məsələni qaldıracaq
Tarix: 02-04-2024 16:51 | Bölmə: Siyasət
Hakan Fidan NATO qarşısında üç əsas məsələni qaldıracaq

NATO Xarici İşlər Nazirlərinin 2024-cü ilin ilk iclası 3-4 aprel tarixlərində Brüsseldə keçiriləcək.

Reyting.az
xəbər verir ki, toplantıda əsasən 4 məsələnin müzakirəsi gözlənilir.

Xarici işlər nazirlərinin görüşündə terrorla mübarizə və Ukraynada baş verən proseslər müzakirə olunacaq. Bundan başqa, nazirlər iyulda Vaşinqtonda keçiriləcək NATO Liderlər Zirvəsinə hazırlığı, İsveç və Finlandiyanın üzvlüyündən sonra alyansın son vəziyyətini müzakirəyə çıxaracaqlar.

Ehtimal olunur ki, digər regionlardakı strateji inkişaflar da XİN başçılarının müzakirə predmetinə çevriləcək.

Qeyd edək ki, NATO Xarici İşlər Nazirlərinin görüşündə Türkiyəni xarici işlər naziri Hakan Fidan təmsil edəcək. Fidanın gündəmində üç əsas məsələ olacaq. Bunlardan birincisi terrorla mübarizədir. Fidan NATO-nun terrora qarşı birgə mübarizə aparmalı olduğunu vurğulayacaq. O, Türkiyənin PKK/PYD/YPG terror təşkilatlarına qarşı mübarizə ilə bağlı gözləntilərini çatdıracaq. Türk nazir bəzi NATO üzvlərinin bu terror təşkilatları ilə tərəfdaşlıq münasibətlərinə girməsinin qəbuledilməz olduğunu vurğulayacaq.

Fidan həmçinin müdafiə sənayesi sahəsində Türkiyəyə tətbiq edilən embarqonu da gündəmə gətirəcək. Bu, 2023-cü ilin iyulunda NATO-nun Zirvə toplantısında qəbul edilmiş qərarı xatırladacaq. O, bəyan edəcək ki, müttəfiqlərin müdafiə sənayesi sahəsində bir-birinə tətbiq etdiyi sanksiyalar və məhdudiyyətlər alyansın ruhuna ziddir və NATO-nun təhlükəsizliyinə mənfi təsir göstərir.

NATO toplantısı çərçivəsində ikitərəfli görüşlər də keçiriləcək. Hakan Fidanın görüşəcəyi şəxslər arasında Almaniya, Finlandiya, Böyük Britaniya və Bolqarıstanın xarici işlər nazirləri də olacaq.

Y. QACAR




Bölməyə aid digər xəbərlər
{sape_links}{sape_article}