12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
Rusiyanın vaxtı daralır: 2025-ci ildə köhnə tanklar qalmayacaq
Tarix: 12-04-2024 20:16 | Bölmə: Slayd
Rusiyanın vaxtı daralır: 2025-ci ildə köhnə tanklar qalmayacaq

Rusiyanın Ukraynaya qarşı müharibəsi artıq üçüncü ildir davam edir və döyüş meydanında üç əsas hərəkətverici qüvvə meydana çıxır.

Reyting.az
xəbər verir ki, bu barədə “Forbes” yazıb.

Birincisi, Rusiya tam səfərbərdir - siyasi, sənaye və hərbi cəhətdən. Amma bu səfərbərlik Kremlin yeniləyə bilmədiyi resursları boşaldır. Başqa sözlə, Rusiya güclü, lakin kövrəkdir.

İkincisi, Ukrayna da səfərbərdir, lakin xarici yardımdan asılı qalır və ABŞ Konqresinin Nümayəndələr Palatasındakı Rusiyaya dost respublikaçılar bu yardımın mühüm hissəsini əngəlləyirlər.

Üçüncüsü, Ukrayna taktikası ruslardan üstündür və bu, Ukrayna birləşmələrinə daha böyük rus birləşmələrini məğlub etməyə köməklik göstərir.

Nəşr yazır ki, ukraynalılar rusların əksər hücumlarını dəf edərək, rusların az təchiz olunmuş hücum qruplarına fəlakətli anlar yaşadır. Ancaq ruslar irəliləməyə davam edir. Və onları dayandıra biləcək yeganə şəxs ABŞ Nümayəndələr Palatasının respublikaçı spikeri Mayk Consondur. Consonun etməli olduğu yeganə şey Ukraynaya 60 milyard dollarlıq yardımı nəzərdə tutan fövqəladə qanun layihəsini səsverməyə çıxarmaqdır.

Nəşrin məlumatına görə, 26 ay ərzində davam edən ağır döyüşlərdə Rusiya hərbçiləri Ukraynada 15 min 300 tank, döyüş maşını, haubitsa və digər silahlar, eləcə də yüz minlərlə hərbçi itirib.

Bununla belə, Ukraynada həmişəkindən daha çox Rusiya qüvvəsi var.

ABŞ ordusunun generalı Kristofer Kavoli deyib ki, əslində, hazırda Rusiya ordusu işğalın əvvəlindəkindən 15 faiz çoxdur. Son bir il ərzində Rusiya cəbhə xəttindəki qoşunlarının sayını 360 mindən 470 minə çatdırıb.

Ancaq “Forbes”in qeyd etdiyi kimi, rus əsgərləri Ukraynaya çatan kimi ölürlər. Estoniya Müdafiə Nazirliyi bu yaxınlarda apardığı araşdırmalardan birində belə qənaətə gəlib ki, bu il 100.000 rusiyalının öldürülməsi Kremlin səfərbərlik səylərinə geriləmə olmasa da, düzəlməz ziyan vuracaq.

Rusiya sənayesinin hər il 500-600 yeni tank və bəlkə də mindən bir qədər çox yeni döyüş maşını istehsal etdiyi bildirilir. Hər il ruslar mindən çox tank və 2000-ə yaxın döyüş maşını itirir və itkilərin sayı artır.

“Son proqnozlar göstərir ki, 2025-ci ilin ortalarına qədər anbarlarda köhnə tanklar və döyüş maşınları qalmayacaq”, - deyən estoniyalı hərbçi və analitik Artur Rehi yazır ki, Rusiyanın vaxtı daralır.

E. KAMAL




Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}