12:54 / 24-05-2024
MEDİA müsabiqə elan edib
12:26 / 24-05-2024
Sabah yağış yağacaq
Türkiyədə çevriliş təhlükəsi - Ərdoğan təcili iclas çağırıb - (Yenilənib) - Fotolar
Tarix: 15-05-2024 10:28 | Bölmə: Slayd
Türkiyədə çevriliş təhlükəsi - Ərdoğan təcili iclas çağırıb - (Yenilənib)

Prezident Ərdoğan Türkiyədə çevriliş təhlükəsi ilə əlaqədar təcili iclas çağırıb.

Reyting.az
xəbər verir ki, “Türkiyə” qəzetinin yazdığına görə, daha əvvəl Ankara Təhlükəsizlik Müdirliyindən bir neçə əməkdaş işdən çıxarılıb. Onlar “Ayxan Bora Kaplan” cinayət təşkilatı ilə əlaqədə olmaqda ittiham olunublar. Rəqəmsal materialları ələ keçirmək ittihamı ilə işdən qovulan polis məmurlarının evlərində axtarış aparılıb.

Prezidentin müttəfiqi, Milliyyətçi Hərəkat Partiyasının (MHP) sədri Dövlət Baxçalı parlamentdəki fraksiya iclasında bildirib ki, baş verənlər Ərdoğanı devirmək üçün sui-qəsdin olduğunu göstərə bilər. Bununla əlaqədar olaraq, Baxçalı əməliyyatları yalnız bir neçə polis əməkdaşının işdən çıxarılması ilə məhdudlaşmamağa çağırıb.

Nəşrin məlumatına görə, Baxçalının açıqlamalarından sonra Ərdoğan prezident iqamətgahında ölkənin ədliyyə naziri Yılmaz Tunc və Milli Kəşfiyyat Təşkilatının rəhbəri İbrahim Kalınla təcili gecə görüşüb.(Musavat.com)

***

Türkiyə KİV-ləri yazır ki, prezident Rəcəb Tayyib Ərdoğan dünən axşam saatlarında ədliyyə naziri Yılmaz Tunç və Milli İstihbarat Təşkilatının (MİT) sədri İbrahim Kalını Sarayda görüşə çağırıb.

Reyting.az
xəbər verir ki, iddialara görə, görüşün mövzusu Ayhan Bora Kaplan çetesinin istintaqı ilə bağlı "sui-qəsd" iddiaları ola bilər.

“TGRT News”-un aparıcısı Ziya Osman Açıkel Ərdoğanın Kalın və Tunçu saraya dəvət etdiyini açıqlayıb:

“Cənab prezident Rəcəb Tayyib Ərdoğan MİT sədri İbrahim Kalını və ədliyyə naziri Yılmaz Tunçu kompleksə dəvət edib. Xüsusi katiblər telefonla çağırılıb. Gecə uzundur. Ankarada nəsə baş verir!".

Eyni zamanda jurnalist Altan Sancar da sosial media hesabında kritik sammitlə bağlı paylaşım edib:

"Ankara Polis İdarəsi ilə bağlı inkişaflar çox mübahisəli görünür. Prezident Ərdoğan məsələni şəxsən izləyir. Vəziyyət "çevriliş cəhdi" olaraq görülür. Çox sərt cavab gözlənilir".

İddialara görə, Ankara polisində yüksək vəzifə tutan 3 polis rəisi hazırkı və keçmiş nazirlərə, AKP-nin önəmli simalarına və məhkəmə mənsublarına qarşı “17/25 dekabr tarixli sui-qəsdlə oxşar sui-qəsdə hazırlaşırmış”.

Prezident Ərdoğanın bugünkü AKP Qrup Toplantısında məsələ ilə bağlı açıqlamalar verəcəyi də iddia edilib.

Onu da qeyd edək ki, MHP sədri Dövlət Baxçalı dünən partiyasının qrup toplantısında məsələ ilə bağlı açıqlamalar verib və polis rəislərini “sui-qəsd”də ittiham edib:

“İşdə bir neçə polis rəisinin vəzifədən uzaqlaşdırılması ilə aradan qaldırıla bilməyən bir sui-qəsd var, əslində hədəf Milliyyətçi Hərəkat Partiyası, AK Partiya, Xalq Alyansı və son nəticədə Türkiyədir. 17-25 polis və ədliyyə partnyoru ilə çevriliş cəhdini təkrar etməyi planlaşdıranların qarşısında baş əysək, viran qalacağıq, göz yumsaq, sağ ol desək də, qanımız boşalacaq”.







Bölməyə aid digər xəbərlər
21-05-2024, 11:26 Rəisinin varisi kimdir?

{sape_links}{sape_article}