00:11 / 14-06-2024
Bu gün "Son zəng"dir
Şiddətli döyüşlər... - Ruslar Ukraynanın yeni ərazilərini tutmağa çalışır
Tarix: 29-05-2024 16:14 | Bölmə: Siyasət
Şiddətli döyüşlər... - Ruslar Ukraynanın yeni ərazilərini tutmağa çalışır

Rusiya ilə Ukrayna arasında şiddətli döyüşlər davam edir. Məlumata görə, Xarkov istiqamətində, günün əvvəlindən Ukrayna Silahlı Qüvvələri Liptsi kəndi ərazisində rus ordusunun iki hücumunu dəf edib. Ümumilikdə 28 hərbi toqquşma baş verib.

Reyting.az
-ın xəbərinə görə, bu barədə Ukrayna Silahlı Qüvvələrinin Baş Qərargahı məlumat yayıb.

Rus ordusu 10 idarə olunan bombadan altı hava zərbəsi endirib, 46 kamikadze drondan istifadə edib və Ukrayna hərbçilərinin mövqeləri 476 dəfə atəşə tutulub.

Bildirilir ki, son 24 saat ərzində ruslar bu istiqamətdə 195 nəfər itki verib. Həmçinin bir tank, yeddi artilleriya, bir reaktiv yaylım atəşi sistemi, 13 maşın və beş xüsusi texnika məhv edilib. Bundan başqa, iki tank, üç artilleriya sistemi, səkkiz maşın və dörd xüsusi texnika zədələnib.

Kupyanski istiqamətində günün əvvəlindən Stepnaya Novoselovka ərazisində hücum dəf edilib, Petropavlovka yaxınlığında isə toqquşma davam edir.

Severski istiqamətində Ukrayna əsgərləri Vyemka kəndi yaxınlığında rusların hücumunun qarşısını alıb.

“Kramatorsk istiqamətində düşmən artıq iki dəfə əsgərlərimizi mövqelərindən sıxışdırıb çıxarmağa cəhd edib”, - deyə Baş Qərargahdan bildiriblər.

Qeyd olunur ki, son 24 saat ərzində ən gərgin vəziyyət Pokrovski istiqamətindədir. “Hazırda orada səkkiz hərbi toqquşma baş verib, düşmənin daha iki hücumu dəf edilib”, - mesajda deyilir.

Yenilənən məlumatlara görə, son 24 saat ərzində ruslar Pokrovski istiqamətində 394 nəfər itki verib, 15 zirehli döyüş maşını itirib və üç anbarı məhv edilib. Krasnoqorviki istiqamətində isə bir hücum dəf edilib.

Baş Qərargahın məlumatında bildirilir ki, bu gün ruslar Dnepr istiqamətində aktiv hücum hərəkətləri həyata keçirməyib. Digər istiqamətlərdə isə vəziyyət ciddi dəyişikliklərə məruz qalmayıb.

E. KAMAL




Bölməyə aid digər xəbərlər
{sape_links}{sape_article}