Paşinyanın istefası üçün növbədənkənar iclas çağırılır
Tarix: 10-06-2024 16:07 | Bölmə: Slayd
Paşinyanın istefası üçün növbədənkənar iclas çağırılır

Ermənistan parlamentinin deputatları növbədənkənar iclas çağırmaq üçün təşəbbüs irəli sürüblər. Gündəlikdə bir məsələ var - hökumətin istefası və yeni hökumətin formalaşdırılmasının zəruriliyi ilə bağlı parlamentin Nazirlər Kabinetinə müraciəti.

Reyting.az
Ermənistan KİV-lərinə istinadla xəbər verir ki, bunu “Ermənistan” blokunun parlament fraksiyasının katibi Artsik Minasyan deyib.

A. Minasyan bildirib ki, təxminən üç saat əvvəl parlamentin 33 deputatının imzası ilə bu təklif rəsmən təqdim edilib:

“Mövcud qanuna görə, 5 iş günü ərzində növbədənkənar iclas çağırılmalıdır. Bunun üçün Parlament Şurasının müsbət mövqeyi tələb olunur. Məktubumuzda qeyd etmişdik ki, qanuna görə, bu iclası çağırmaq üçün Şuranın istəyindən asılı olmayaraq, 5 gün hesablanarkən, əgər parlament şuranın iclasa daxil edilməsini istəməzsə, 5-ci iş günü, yəni 17 iyun saat 18.30-da növbədənkənar yığıncaq çağırılmalıdır”.

Məktubda yazılıb ki, bu gün iki fraksiya (“Ermənistan” və “Mənim şərəfim var”) da məsələnin parlamentin bugünkü iclasının gündəliyinə salınması ilə bağlı vəsatət verib və qərar qəbul edilib.

“Məktubda o da qeyd olunur ki, şura sabah iclas çağırmağı məqsədəuyğun saymasa belə, ayın 17-dən əvvəl istənilən gün iclas çağırıla bilər. Əks halda, qanuna əsasən, iyunun 17-də saat 18:30-da növbədənkənar iclas çağırılmalıdır”, - Minasyan deyib.

Deputat əlavə edib ki, Parlament Şurasında da mütləq çoxluq təşkil edən parlamentin əksəriyyətinin özünü necə göstərəcəyi bəlkə də çoxları üçün proqnozlaşdırıla bilər, amma bütün bunlar onların əhval-ruhiyyəsini, niyyətini bir daha göstərəcək.

E. KAMAL




Bölməyə aid digər xəbərlər
{sape_links}{sape_article}